Kyststien i Bud, foto: Ellen Hammer 

Fysak satsinga inngår i God-Helse programmet til Møre og Romsdal fylkeskommune. Dette inneber at Møre og Romsdal fylkeskommune øyremerker 20 % av årleg tilskot til idrettskretsen, til arbeid med Lavterskel Fysisk aktivitet. Plana vidareførast i partnerskapsavtalen mellom Møre og Romsdal fylkes-
kommune og Møre og Romsdal Idrettskrets, også i 2011.

Årsplan, FYSAK  for Møre og Romsdal Idrettskrets inneheld  følgjande operative mål: «Skal ha vidareført prosjektet FYSAK Møre og Romsdal i henhald til eiga plan.»

Plana inneheld 14. mål og er ei plan for lavterskel – fysisk aktivitet i Møre og Romsdal . 

God Helse staben i Møre og Romsdal fylkeskommune  i 2010, var samansett slik: 

• Svein Nerland
  Fagsjef Folkehelse og Fysisk aktivitet i Møre og Romsdal fylkeskommune
• Vegar Bellingmo
  Prosjektleiar, friluftslivsatsinga i fylkesplanen.
• Ann Helene Skare
  Rådgivar Folkehelse i Møre og Romsdal fylkeskommune
• Siri Ask Fredriksen
  Rådgivar fysisk aktivitet i Møre og Romsdal fylkeskommune
• Petter Ervik Jenset
  Rådgivar fysisk aktivitet i Møre og Romsdal fylkeskommune
• Inger Holmeset
  Folkehelsekoordinator i tannhelsetenesta
• Marie Eide
  Fylkessjukepleier, Fylkesmannen i Møre og Romsdal
• Ellen Cathrine Hammer
  Lavterskel fysisk aktivitet  koordinator Møre og Romsdal Idrettskrets

Aktiv på Dagtid

Det har vært gjort tiltak mot dei fleste av måla i plana, men det viktigaste dette året er den positive utviklinga i Aktiv på Dagtid. MRIK sine ”Folkehelsemidler” har vore øyremerka dette området, og hausten 2010 blei det arrangert ein regional konferanse i Rauma kommune. Her var det deltakarar frå ulike deler av fylket, med ulik bakgrunn og arbeidsområde. Vi hadde og med deltakarar frå dei ulike Aktiv på Dagtid tilboda i fylket. I etterkant av konferansen har fleire kommuner starta opp og fleire er i startgropa. Pr. desember 2010, har 10 kommuner i Møre og Romsdal tilbod om Aktiv på Dagtid, og i fylket vårt er det omkring 700 personar til saman som tar del i  tilbodet.

Samarbeid med NAV

Konferansen har og gjort at NAV er  kome på bana, og i desember 2010 hadde vi eit møte med sentrale personar i systemet. Der vart det sett på muligheitene for eit samarbeid mellom NAV og kommunar i Møre og Romsdal som har tilbod om ApD. Dette var eit positivt møte, og saka  følgjast vidare i 2011.

Treningskontaktkurs

Eit anna viktig tiltak i 2010 har vært Treningskontaktkurs. Det har  vore arrangert to kurs, eit i Skodje kommune og eit i Ulsteinvik. I underkant av 70 personar har tatt del i  kursa og i tillegg har det vore arrangert oppfølgingssamling for deltakarane på kurset i Skodje. Tiltaket blir vidareført i 2011, med nye kurs og i tilegg blir det oppfølgingssamlingar for tidligare deltakarar.

Temadagar

Som eit tiltak for barn i skolen, har tilsette i SFO vært målgruppe i 2010. I den tilknyting  har det vore arrangert to temadager der ein har lagt fokus på ernæring og fysisk aktivitet. Temadagene har vore haldt i høvesvis Molde og Ålesund og ca. 70 personar har vore med.  I tillegg har vi hatt ein temadag i Haram kommune, her var det fokus på tilrettelegging  av uteområde og fysisk aktivitet. Kommunane har fått same tilbod i  2011.

Andre tiltak som har vore gjennomført i 2010 er:

•  Oppstart av fotballag for asylsøkarar  i regi av sportsklubben Træff
•  Deltaking på NAV sine arrangement ”Sees i morgen” – eit program for psykisk helse i arbeidslivet. Stand i Molde og Ålesund, juni 2010.
• Oppfølging av ” Den Gylne spaserstokk” – kontinuerlig.
• Oppfølging av utplassert student  frå Høgskolen og elevar frå  ungdomsskolen, våren 2010.
• Samarbeid med ulike aktørar for å inkludere fleire funksjonshemma inn i idretten.
• Deltaking i nasjonal gruppe for treningskontaktar, der vi prøver å lage ein mal for kursa.
• Deltaking i gruppe for planlegging av Frisklivssentralar i Møre g Romsdal.
• Deltaking på samlingar  og samarbeid med folkehelsekoordinatorane i partnerskapskommunane.

Rapporten er ei kort beskriving av det arbeidet som har vorte  gjort  når det gjeld FYSAK i 2010. Slike vurderingar er nødvendige og naudsame for å sjå om vi når måla vi sett oss.

Prosjekta kjem til å vidareførast i 2011. Muligheitene er til stades for at ein kan få til fleire gode tiltak, ikkje minst med tanke på den nye Samhandlingsreforma si satsing på folkehelse og førebuing.

Molde 14.2.2011
Ellen Cathrine Hammer