20-årsjubileet til Møremusikarane blei før jul markert med fleire jubileumskonsertar i samarbeid med 30-årsjubilantane Brazz Brothers. Med spesialskriven musikk for alle 15 musikarane og eigne seksjonar, tok dei publikum i Ørsta, Sunndal, Surnadal, Molde og Ålesund med storm i følgje meldingane i media: "Møremusikar-ordninga er i grunnen et godt argument for å opprettholde fylkeskommunen. Dra på saga som de kan spille!", skrev Sunnmørsposten etter konserten i Ålesund.

NRK2 og P2

NRK Møre og Romsdal sende konserten direkte på nett, og det er ein redigert versjon av denne konserten som skal visast på NRK2, søndag 5. februar kl. 18.00. Truleg blir konserten også sendt i NRK P2.

BILDET: Møremusikarane og Brazz Brothers under jubileumskonserten i Ålesund. (foto: Hanne Brakstad/Møre og Romsdal fylkeskommune)

Profesjonelle musikktenester

Møremusikarordninga skal sikre profesjonelle musikktenester til kulturlivet i Møre og Romsdal. Ordninga omfattar Møre og Romsdal fylkeskommune sine fast tilsette musikarar og deira verksemd. I tillegg kan fylket engasjere andre profesjonelle frilansmusikarar til oppdrag for kulturlivet i fylket. Møremusikartenestene er subsidiert av Møre og Romsdal fylkeskommune, og aktuelle brukarar kan søkje om å få nytte desse tenestene.

BILDET: Møremusikarane (foto: Magnus Skrede)

Meir om Møremusikar-jubileet

www.moremusikarane.no