Det er Sparebanken Møre, Innovasjon Norge og Møre og Romsdal fylkeskommune som igjen har gleda av å presentere programmet til Mørekonferansen, 23. november. Konferansen, som i år finn stad på Rica Seilet Hotel i Molde, er ein svært viktig møteplass mellom næringsliv og offentlege aktørar. Tema i år er kompetansearbeidsplassar og kampen om dei kloke hovuda. Vi har mellom anna fått ei dreiing frå ressursbasert til kompetanseintensive arbeidsplassar, og den største veksten skjer no i offentleg og privat tenesteyting. Vi ser nærare på desse omstillingane og korleis dei slår ut i vår region.

TEMP
 Grunnlaget for å forstå utviklinga ligg både i nasjonale og regionale tal. Hans Henrik Scheel er administrerande direktør i Statistisk Sentralbyrå. Han vil gi snakke om utviklinga i norsk økonomi.

Konjunkturbarometeret TEMP tar temperaturen på økonomien og utviklingstrekk i dei ulike næringane i fylket. Både Arild Hervik, professor ved Høgskolen i Molde, Inge Furre, sjeføkonom i Sparebanken Møre og Roar Tobro, direktør i Møreforsking AS og vil komme og gi sine vurderingar. Tobro sat i eit utval oppnemnt av Kommunal og regionaldepartementet, for å fremme konkrete forslag til tiltak for å sikre at kompetansearbeidsplassar og nye statlege arbeidsplassar blir spreidd utover heile landet og tiltak for å sikre rekruttering til distrikta. Han vil snakke om dette arbeidet og om anbefalingane i NOU, Norges offentlege utredningar.

iKvinner og iKuben
 Korleis skaffe seg dei kloke hovuda i praksis? iKvinner er eit prosjekt i iKuben-bedriftene, som har som mål å profilere seg mot kvinner i alderen 25-35 år, for å få desse til å søke jobb og flytte til vår region.

I tillegg kjem Harald Jachwitz Andersen, direktør I Virke (tidlegere HSH) for å snake om entreprenørskap I tenestenæringane, og sist, men ikkje minst; Ole Gunnar Solskjær – say no more!

Vi er også stolte av å kunne presentere Frode Alnæs som konferansier for dagen.

Programmet kan lastast ned her:

Påmelding: www.mrfylke.no/morekonferansen

Ingen deltakaravgift

For meir informasjon, kontakt:
 Roar Neergaard, Møre og Romsdal fylkeskommune, 71 25 80 34 / 472 63 068
 Jan Børre Rydningen, Innovasjon Norge, 70 11 64 55 / 90 13 69 95
 Turid Sand, Sparebanken Møre, 906 21 667