Profesjonelle innkjøp – betre tenester!

Innkjøpsseksjonen har det overordna ansvaret for at fylkeskommunen gjennomfører sine anskaffingar i samsvar med regelverket.
Seksjonen driv rådgiving for heile fylkeskommunen, både for sentraladministrasjon og fylkeskommunale verksemder og yt bistand i samband med gjennomføring av anbods- og tilbodskonkurransar, inngåing av rammeavtalar og større eingongskjøp.
 
 Vidare skal seksjonen bidra til at fylkeskommunen har ei bevist haldning og god kjennskap til regelverket om offentlige anskaffingar og at regelverket vert etterlevd. Dei rammeavtalane som blir inngått skal omfatte varer og tenester som dekker brukaranes behov, har gode pris og leveringsvilkår, og skal ta omsyn til universell utforming og miljø.
 
 Tildeling av kontrakt skal baserast på konkurranse der leverandørane vert behandla likt og prosessen er gjennomsiktig og etterprøvbar.