Fotballfylket Møre og Romsdal!
- Eg stiller meg i rekka av gratulantar til Molde Fotballklubb. Det er heilt fantastisk at klubben vinn seriegullet det året dei har 100-årsjubileum. Klubben har hatt sportsleg framgang over lang tid, og det var flott at ein endeleg kunne krone innsatsen med topplassering i serien, seier fylkesordførar Jon Aasen.
Fylkesordførar Jon Aasen gratulerer MFK med seiregullet. Foto: Per Vidar Klee Kjølmoen/Møre og Romsdal fylkeskommune.
Han meiner bragden til dei blåkledde er nok eit døme på at Møre og Romsdal har blitt eit av dei største fotballfylka i landet.
- For to år sidan spelte MFK og AaFK cupfinale i Oslo. I går vann Molde seriegullet med ein trenar frå Kristiansund og til helga kan AaFK vinne Norgesmesterskapet på nytt. For tida ligg tyngdepunktet i norsk fotball her i Møre og Romsdal, seier Aasen stolt.
Også Torgeir Dahl feirer seriegullet til MFK med gulldrakt under eit møte i fylkesutvalet 31. oktober. Foto: Per Vidar Klee Kjølmoen/Møre og Romsdal fylkeskommune.
Oppdatert: 31.10.11
