Trafikktryggingsutvalet (FTU) i Møre og Romsdal gjorde vedtak 24. august 2011 om tildeling av Trafikktryggingsprisen 2011 til Molde Fotballklubb ved Svein Røsberg. 10. oktober vart prisen overrekt under fylkestinget i Geiranger.

- Han var den klare einaren av kandidatane i år, sa leiar i trafikktryggingsutvalet, Svein Atle Roseth, i talen til prisvinnaren.

Svein Røsberg har gjennom sitt arbeid som ansvarleg for ballhentarar til Molde Fotballklubb sine heimekampar, hatt eit sterkt fokus på trafikktrygging i samband med transport til kamp og trening.Det kom inn fleire forslag på Svein Røsberg som kandidat til prisen.

I si grunngjeving legg forslagsstillarane stor vekt på at Røsberg har eit sterkt engasjement, som har strekt seg over svært mange år. Med sitt sterke engasjement greier han å formidle eit viktig tema som treffer ballhentarane godt.

Svein Røsberg har sidan 1989 hatt ansvaret for ballhentarane til Molde Fotballklubb sine heimekampar. I samband med at det kjem ballhentarar frå andre klubbar til heimekampane, held Røsberg eit trafikkseminar for dei. Trafikkseminaret fokuserer på trygg og sikker transport til og frå kampar og trening. Det blir lagt vekt på bruk av sykkelhjelm, bruk av bilbelte, fart og talet på personar i bilane. I følgje ein lagleiar frå KIL/Hemne er det imponerande korleis Molde Fotballklubb og Røsberg har fletta trafikktrygging inn i ballhentaroppdraga.

«Måten Molde FK har «flettet» dette inn i et ballhenteoppdrag virker lurt. Det er jo ikke så naturlig at man reiser til Molde for å være ballhentere, så skal man gjennom et trafikk-kurs... Men Røsberg får formidlet et viktig tema på en måte som treffer guttene og jentene godt.».

I følgje Molde Fotballklubb har Svein Røsberg leia ballhenterne i 359 kampar sidan 1989. Det har vore 71 klubbar innom prosjektet. Ca. 20 gutar og jenter med foreldre, totalt ca. 30 personer, deltek på kvar kamp. Det blir over 10.000 personar som har deltatt i trafikktryggingsopplæringa til Røsberg.

Kontaktpersonar:
FTU-leiar Svein Atle Roseth tlf. 95 79 69 99
FTU-sekretær Ingeborg Midtflå Sørvik tlf. 71 27 47 71

Frå venstre fylkesordførar Olav Bratland, prisvinnar Svein Røsberg, medieansvarlig i Molde Fotballklubb, Per Lianes og leiar av fylkestrafikktryggingsutvalet, Svein Atle Roseth. Foto: Per Vidar Klee Kjølmoen/Møre og Romsdal fylkeskommune.

Nedlastbare bilete:

Svein Røsberg

Bratland, Røsberg, Lianes og Roseth

Byline: Per Vidar Klee Kjølmoen/Møre og Romsdal fylkeskommune