Uttale til fiskeri- og kystminister Lisbeth Berg-Hansen:

Møre og Romsdal fylkeskommune ser med uro på dei prosessane som no skjer i NOFIMA.
Ved fusjonen som danna NOFIMA MARIN oppfattar vi i Møre og Romsdal at dåverande fiskeri- og kystminister garanterte for ei positiv utvikling av anlegga i Møre og Romsdal. Med bakgrunn i situasjonen vi no ser forventar vi at fiskeri- og kystministeren tar dei grepa som er nødvendig for å sikre vidare drift av dei viktige anlegga i Møre og Romsdal.
Desse forskingsanlegga er viktig for den store havbruksnæringa i vårt fylke og den store eksportverdien og verdiskapinga den representerer, vi legg derfor til grunn at statsråden gjer grep for å sikre vidare drift.

Uttale til styret i NOFIMA:
Møre og Romsdal fylkeskommune ser med uro på dei prosessane som no skjer i NOFIMA.
Møre og Romsdal fylkeskommune bidrar årleg med betydeleg støtte til NOFIMA MARIN. Bakgrunnen for dette er at vi ser på verksemda som viktig for utviklinga av sjømatnæringa i vårt fylke. Vi konstaterer at NOFIMA ikkje har informert fylket om den alvorlege situasjonen verksemda no er inne i. Fylkeskommunen er ikkje nøgd med situasjonen slik den er framstilt i media og manglande initiativ til å informere fylkeskommunen om situasjonen.
Vi ber om at NOFIMA opprettheld drifta i Møre og Romsdal og engasjerer seg i å få finansieringsordningar som sikrar likebehandling av forskningsanlegg.