I revisjonsmeldinga stadfestar revisor at rekneskapen er revidert, at rekneskapen er i samsvar med lov og forskrift og at rekneskapen gir utrykk for fylkeskommunen sitt årsresultat og stilling som samsvarar med god kommunal rekneskapsskikk, eventuelt nemner presiseringar og atterhald revisor finn å ville gjere. Revisjonen gjer elles fylkestinget merksam på tilhøve ved den økonomiske forvaltninga i fylkeskommunen som revisjonen meiner bør kome til kunnskap for fylkestinget sine medlemer.

Revisor sine formuleringar i meldinga gjev opphav til forskjellige meldingskategoriar:

• Normalberetning: Denne meldinga blir nytta når revisor ikkje har funne vesentlege feil eller manglar.
• Presisering: Revisor ønskjer her å peike på spesielle tilhøve som brukarane av rekneskapen bør kjenne til, utan at det her er tale om usemje i høve til den fremlagte rekneskapen.
• Atterhald: her går revisor god for rekneskapen på totalnivå, men ønskjer å reservere seg på einskildpunkt som ikkje er av bagatelmessig art.
• Negativ uttale: Konklusjonen i denne meldinga er sterkare enn eit atterhald, og inneber at rekneskapen ikkje er gjort opp i samsvar med lov, forskrifter og god kommunal rekneskapsskikk.
• Revisor kan ikkje uttale seg: Ei slik melding vil berre opptre dersom det av ein eller annan grunn ikkje har vore mogleg for revisor å utføre revisjon i samsvar med god kommunal revisjonsskikk.

Til høgre ser de dei siste tre års revisjonsmeldingar. Eldre finn de her.