Arbeidspakke 1 - Coast Alive Coast alive er eit EU-prosjekt som har fokus på friluftsliv i forhold til helse og småbedrifter. Utprøving av metoder og ulike «verktøykasser» vil bli ein sentral del. Korleis ein skal redusere barrierer for friluftsliv er dei viktigaste fokuset. Ein del av dette vil vere utvikling av småbedrifter for å gjere muligheitene for friluftslivsopplevingar betre; guiding, kortreist mat og overnatting er døme på dette. "Biverknader" av friluftsliv innan folkehelsearbeidet er også eit viktig fokus i forhold til tilrettelegging for dagleg friluftsliv.

Arbeidspakke 2 - Kartlegging / Rådgiving

Det er store mengder turar, turmål, nettstader, turbøker osb i fylket allereie. Utfordringa er at det ikkje finsy nokon enkel måte å finne dette på. Hovudoppgåva  blir å kartlegge flest moglege turmål i kvar kommune etter felles mal. Målet er minst 10 turmål inkludert 3 med kulturminner og 3 som er universelt utforma.

Arbeidspakke 3 - Utvikle verktøy

Internettløysing som gjer mylderet av informasjon meir oversiktleg, felles skiltmal, felles gradering av turar slik at ein enkelt veit kva turen dreier seg om. 

Arbeidspakke 4 - Gjennomgåande fersdselsårer - helseløyper - Rundløyper i nærmiljøet.
Ferdselårer som Postveien og Kystleden er viktige i historisk samanheng, men også for å kunne løfte friluftslivet ytterlegare. Vi ønskjer å få tilrettelagt nokre av desse slik at dei kan nyttast både lokalt og for turister.

Helseløyper etter Sognsvannmodellen er særs viktig i lokalsammfunna og for folkehelsa. Dette er rundløyper som ligg i tilknytta til dømes buområder. Enkle traséar som alle kan bevege seg på med muligheit for større utfordringar er det ideelle.