Fylkesbiblioteket sin administrasjon, rådgivarstab og bøkene til bokbåten held til i Kirkegt. 10 i Ålesund, i same hus som Interkommunalt arkiv og Kulturnett. Fjernlånstenesta held til i Ålesund bibliotek, og sørger for lån av bøker og andre media til bibliotek i og utanfor fylket.

Bokbåten Epos besøker 71 stader 2 gonger i året med utlån av bøker og kulturprogram med særskilt fokus på barn.

Fylkesbiblioteket:

•  gir råd og rettleiing i bibliotekfaglege spørsmål
•  er aktiv pådrivar for nye bibliotekmodellar og utviklingsprosjekt i fylket
•  initierer og samordnar IKT-utvikling i skole- og folkebibliotek
•  styrker bibliotekkompetansen i fylket gjennom kurs og opplæring
•  arbeider aktivt for å styrke litteratur- og kulturformidlinga i biblioteka
•  låner ut bøker og andre media til folke-og skolebibliotek
•  gir dei minste stadane i fylket eit viktig bok- og kulturtilbod med Bokbåten Epos
•  arbeider aktivt for å styrke samarbeidet mellom arkiv, bibliotek og museum i fylket