Hopp til innhold Hopp til hovedmeny
Møre og Romsdal fylkeskommune > Tenesteområde > Plan og analyse
Plan- og analyseavdelinga skal vere ein aktiv medspelar i utviklinga av regionen Møre og Romsdal.
Møre og Romsdal fylke er regional planmynde, jf. plan- og bygningslova. Plan- og analyseavdelinga har ansvar for og leiar arbeidet med regional planstrategi, regionale planar og regional planføresegn.
Avdelinga skal medverke til å styrke den heilskaplege samfunnsplanlegginga i Møre og Romsdal. Styrke plansamordninga, vere plan- og prosessleiar, mellom anna i eigen organisasjon og for kommunane. Utarbeide og formidle aktuell statistikk og analyser om Møre og Romsdal, som grunnlag for politiske vedtak og for fylkeskommunen sitt arbeid.
Molde kommune har utarbeidd forslag til revidert samfunnsdel av kommuneplanen. Det nye plandokumentet inneheld hovedmål og strategiar for samfunnsutviklinga fram mot 2022, og er på høyring til måndag 13. mai.
Tal fødde i Møre og Romsdal gjekk ned siste året, frå 2883 fødde i 2011 til 2833 i 2012. Samstundes gjekk talet på døde opp, slik at fødselsoverskotet i 2012 vart redusert til 562, mot 653 i 2011.
Vestnes, Midsund, Aukra og Molde kommunar har no ute forslag til kommunedelplan for E39 Vestnes-Molde med arm til Gossen (Møreaksen) på offentleg høyring. Høyringsfristen er 1. mai 2013, og fylkeskommunen arbeider no med fråsegn i saka.
Fylkesutvalet tilrår ti søknader om statleg sikring av friluftslivområde i Møre og Romsdal. Søknadene vil sikre nye område for friluftsliv og rekreasjon i kommunane Kristiansund, Molde, Stranda og Vestnes.
Om lag 90 deltakarar var påmeldt til dagskurset «Bedre reguleringsplaner» som vart arrangert i Skodje 20. og Tingvoll 21. mars.
Møre og Romsdal har lagt bak seg endå eit år med solid befolkningsauke. 2007 markerte året kor veksten starta, og den har berre auka sidan. I 2012 hadde vi ein folketilvekst på 2 776 personar, eller 1,1 prosent.
I samarbeid med Kommunenes Sentralforbund (KS) tilbyr Møre og Romsdal fylkeskommune eindags kurs i reguleringsplanlegging.
Fylkesplan 2013-2016, regional plan for Møre og Romsdal vart vedteken av fylkestinget 11. desember 2012, T-74/12. Fylkesplan 2013-2016 er den overordna regionale planen i Møre og Romsdal. Dei regionale delplanane skal vere forankra i fylkesplanen.
Møre og Romsdal fylke passerer 260.000 innbyggarar i løpet av våren 2013 – og veksten vil halde fram. – Utviklinga legg endå meir press på bustadbehovet i fylket, seier fylkesplansjef Ole Helge Haugen.
Møre og Romsdal fylkeskommune utarbeidde i 2011 for første gong ein statistikkpakke for kvar kommune i fylket. Denne pakken er no blitt oppdatert med dei nyaste tilgjengelege tala. Her finn ein ei tettpakka samling av nøkkelinformasjon og statistikkar til dømes knytt til folketalsutvikling, sysselsetting og næringsliv.
