Hopp til innhold Hopp til hovedmeny
Møre og Romsdal fylkeskommune > Tenesteområde > Plan og analyse > Regional planlegging > Fylkesplan
Fylkeskommunen har eit overordna ansvar for regionalt samarbeid, regional utvikling og regional planlegging i dialog med kommunar og andre offentlege, frivillige og private aktørar. Fylkesplanen er arena for samarbeid om langsiktig og strategisk planlegging i regionen.
I ny Plan- og bygningslov er omgrepa fylkesplanlegging, fylkesplan og fylkesdelplan erstatta av regional planlegging og regional plan.
Fylkesplan 2013-2016, regional plan for Møre og Romsdal vart vedteken av fylkestinget 11. desember 2012, T-74/12. Fylkesplan 2013-2016 er den overordna regionale planen i Møre og Romsdal. Dei regionale delplanane skal vere forankra i fylkesplanen.
Fylkesplan 2013-2016, regional plan for Møre og Romsdal, er ein av dei prioriterte planane i Regional planstrategi 2012-2016, T-7/12
– Dine meiningar om korleis fylket bør utviklast vil vere viktige innspel til den nye fylkesplanen for Møre og Romsdal, seier assisterande fylkesplansjef Heidi-Iren Wedlog Olsen. Ho oppmodar alle som bur i fylket om å sette seg inn i og engasjere seg i den nye planen, som er på offentleg høyring ut oktober.
Fylkesutvalet i Møre og Romsdal vedtok 27.08.12, sak U-123712, med heimel i plan- og bygningslova å leggje framlegg til Fylkesplan 2013-2016, regional plan for Møre og Romsdal, til høyring. Høyringsfristen er 26. oktober 2012.
I forbindelse med rullering av fylkesplanen arrangerte Møre og Romsdal fylkeskommune eit fylkesplanseminar på Hotell Alexandra i Molde 18. juni 2012.
Fylkesplan 2013-2016 har 4 satsingsområde og 6 gjennomgåande perspektiv.
Satsingsområda er:
Kultur, kompetanse, verdiskaping og samferdsel.
Dei gjennomgåande perspektiva er:
Barn og unge, folkehelse, universell utforming, likestilling og inkludering, internasjonalisering og miljø og klima.
Fylkesplan 2013-2016 skal følgjast opp gjennom handlingsprogram
for det enkelte satsingsområde, samt eventuelle enkeltståande prosjekt og tiltak som blir sett å vere føremålstenlege.
