Tal fødde i Møre og Romsdal gjekk ned siste året, frå 2883 fødde i 2011 til 2833 i 2012. Samstundes gjekk talet på døde opp, slik at fødselsoverskotet i 2012 vart redusert til 562, mot 653 i 2011.  

Møre og Romsdal har lagt bak seg endå eit år med solid befolkningsauke. 2007 markerte året kor veksten  starta, og den har berre auka sidan. I 2012 hadde vi ein folketilvekst på 2 776 personar, eller 1,1 prosent.

Møre og Romsdal fylke passerer 260.000 innbyggarar i løpet av våren 2013 – og veksten vil halde fram. – Utviklinga legg endå meir press på bustadbehovet i fylket, seier fylkesplansjef Ole Helge Haugen.

Møre og Romsdal fylkeskommune utarbeidde i 2011 for første gong ein statistikkpakke for kvar kommune i fylket. Denne pakken er no blitt oppdatert med dei nyaste tilgjengelege tala. Her finn ein ei tettpakka samling av nøkkelinformasjon og statistikkar til dømes knytt til folketalsutvikling, sysselsetting og næringsliv.

Stadig fleire besøker Møre og Romsdal. Medan reiselivet for landet samla må registrere nærare status quo, vaks talet på overnattingar i Møre og Romsdal med nær 6 prosent i perioden januar-august. – Ikkje tilfeldig - vi kan by på verdsattraksjonar, seier Lillian Sæther Sørheim, rådgivar reiseliv i Møre og Romsdal fylkeskommune.

Dei rekordhøge bustadprisane i Molde sakkar folketalsveksten, hemmar byutviklinga og aukar innpendlinga, meiner fylkesplansjef Ole Helge Haugen. Med bakgrunn i den ferske fylkesstatistikken for 2012 viser fylkesplansjefen at dét byen treng er fleire og differensierte bustader, ikkje berre fleire bustadtomter. 

Møre og Romsdal har det største underskotet av unge kvinner av alle fylka i landet. Talet på kvinner i fødedyktig alder går ned, noko som fører til reduserte fødselstal. Vi skårar lågt på likestillingsindikatorar og har ein kjønnsdelt næringsstruktur. 

Laurdag 20. oktober er verdas statistikkdag, og den rykande ferske Fylkesstatistikken for Møre og Romsdal vert lansert. - Vi meiner det er ein passande dag å presentere årets utgåve av Fylkesstatistikk, som er den sjuande i rekka, seier fylkesplanssjef Ole Helge Haugen.

Regional vekstkraft er tema for magasinet RISS, som årleg set søkjelyset på samfunnsutviklinga i Møre og Romsdal. I årets utgåve finn du artiklar om sterke byar og bymiljø, til- og fråflytting, innvandrarar som ressurs i arbeidslivet, nye bu- og arbeidsmarknadsregionar samt eit blikk på Møre og Romsdal utanfrå.

Mange av kommunane i Møre og Romsdal har i dei siste åra opplevd god vekst i folketalet, og mykje av denne veksten kjem av ein auke i innvandringa frå utlandet.  På trass av veksten, kan fleire av kommunane seiast å vere sårbare når det gjeld demografisk utvikling.