Marint miljøsikrings- og verdiskapingsfond
I samband med tildeling av konsesjonar for laks og aure i 2009, fekk fylkeskommunane 21 mill. kroner i frie midlar. Fylkestinget i Møre og Romsdal vedtok og opprette eit Marint miljøsikrings- og verdiskapingsfond med desse midlane.
Fondet er tenkt brukt til:
- FoU-basert nyskaping i havbruksnæringa med fokus på Regjeringas fem berekraftselement (areal, utslepp/forureining, fôrressursar, sjukdom/parasittar og rømming/genetisk påverknad)
- Revidering av kystsoneplanar
- Støtte til tiltak som er viktige for vill-fiske interessene, og på den måten å betre sameksistensen mellom havbruk og villfisk.
Brukarar/søkjarar kan være:
- Kommunar i Møre og Romsdal
- Bedrifter som har næringsverksemd i Møre og Romsdal
- Næringsorganisasjonar for havbruks- og villfiskinteresser
- FoU-institusjonar
Tiltak/prosjekt som vert støtta skal være forankra i Møre og Romsdal.
Møre og Romsdal fylkeskommune oppretta Marint miljøsikrings- og verdiskapingsfond fordi ein ønskjer å legge til rette for å vidareutvikle havbruksnæringa og støtte opp om villfisk interessene i fylket. I høve EØS-regelverket vel fylkeskommunen ikkje å gje støtte til prosjekt som vert vurdert som direkte bedriftsstøtte.
Midlar frå fondet vert lyst ut 1. mars med søknadsfrist 1. september kvart år.
Contacts
Utlysing 2013 - Marint miljøsikrings- og verdiskapingsfond
Møre og Romsdal fylkeskommune lyser no ut fondsmidlar frå Marint miljøsikrings- og verdiskapingsfond. Søknadsfristen er 1. september 2013.