“..hun bør hukes inn der det er mulig..”, “eventyrlig”, “bedre enn noen gang” skriv pressa om hennar siste album Divin’ At The Oceansound. Hilde Louise Asbjørnsen er kabaret-artist, låtskrivar og jazz-songarinne. Ho har gitt ut seks kritikarroste album, turnert landet i fleire omgangar med duoen Asbjørnsen & Joh., og no sist gjort rolla som “Ulla” i musikal-suksessen “The Producers” på Oslo Nye Teater. For den rolla vann ho prisen “Beste Kvinnelige Artist” under Kompiprisen 2011.

Onsdag 23. november kjem Asbjørnsen til Mørekonferansen på Rica Seilet Hotel, Molde. Ho skal opptre saman med Frode Alnæs. Alnæs er også konferansier for dagen.

Privat tenesteyring og kampen om de kloke hovuda.
 Rica Seilet Hotel i Molde er arena for årets Mørekonferansen. Konferansen er ein viktig møteplass mellom næringsliv og offentlege aktørar. Det er Sparebanken Møre, Innovasjon Norge og Møre og Romsdal Fylkeskommune som arrangerer konferansen. I år er tema kompetansearbeidsplassar og kampen om dei kloke hovuda. Vi har mellom anna fått ei dreiing frå ressursbasert til kompetanseintensive arbeidsplassar, og den største veksten skjer no i offentleg og privat tenesteyting. Vi ser nærare på desse omstillingane og korleis dei slår ut i vår region.

Manager i MFK Ole Gunnar Solskjær kjem for å halde foredrag. Det same gjer Hans Henrik Scheel, adm.dir. i Statistisk Sentralbyrå.

Konjunkturbarometeret Temp blir også lagt fram til Mørekonferansen. Vi tek temperaturen på næringslivet.

Sjå elles vedlagt program for meir informasjon, eller gå inn på www.mrfylke.no/morekonferansen

Ingen deltakaravgift.

Program for Mørekonferansen

Kontaktpersonar:

Roar Neergaard, Møre og Romsdal fylkeskommune, 71 25 80 34 / 472 63 068
 Jan Børre Rydningen, Innovasjon Norge, 70 11 64 55 / 90 13 69 95
 Turid Sand, Sparebanken Møre, 906 21 667