Møre og Romsdal fylkeskommune står bak konferansen, som vart avvikla 20. juli. JazzGass har utvikla seg til å bli ein viktig møteplass for regionale og nasjonale aktørar innan petroleumssektoren. På talelista i år stod mellom anna fylkesordførar Olav Bratland,  leiar Terje Aasland,i Stortingets næringskomité, og administrerande direktør David Loughman i AS Norske Shell. 

Fylkesordførar Olav Bratland fokuserte i sin tale på regionale strategiar for Møre og Romsdal som petroleumsregion. Bratland understreka at fylkeskommunen satsar på å vidareutvikla petroleumsklynga med utgangspunkt i dei eksisterande hovudelement som er i dag: Gassknutepunkt Nyhamna, gassbasert industri på Tjeldbergodden, operasjonelt senter for norskehavet i Kristiansund og offshore-retta maritim aktivitet på Sunnmøre.

Bratland gav også full støtte til det såkalla Ironman-prosjektet som kan gi ein reduksjon på 60-70 prosent av CO2-utslepp samanlikna med tradisjonell industri.

-Det er eit prosjekt som fylkeskommunen skyver på med begge hender, sa Bratland.

Her kan du lese foredraga frå konferansen: