Hopp til innhold Hopp til hovedmeny
Møre og Romsdal fylkeskommune > Tenesteområde > Regional- og næringsutvikling > Utvikling i kommunane > Breiband
Målsettinga om breibandtilbod til alle er i ferd med å bli nådd i Møre og Romsdal. Sidan 2006 er nærare 90 mill kroner investert. Om lag halve summen er løyvd frå Kommunal og regionaldepartementet og Høykom prosjektet, og administrert av Regional- og næringsavdelinga i fylket. Utbyggarane og kommunane har dekt resten av investeringane. Pågåande prosjekt skal avsluttast i 2010. Det er framleis midlar til nye prosjekt der det ikkje er tilfredstillande breibanddekning.
KRD har løyvd 10 millionar kroner til nye breibandsprosjekt i fylket. Midlane vert fordelt Møre og Romsdal fylkeskommune etter søknad frå kommunane. Midlane kan kun nyttast i kommunar innanfor virkeområde II-IV for dei distriktspolitiske virkemidlane.
Frist for innmelding av nye prosjekt er 1. september 2010.
Kommunal og regionaldepartementet (KRD) løyvde 10 millionar kroner til utbygging av breiband i Møre og Romsdal i 2010. Det er motteke søknader med totale utbyggingskostnader på omlag 40 millionar kroner. Dette viser at behovet og interessa for utbygging og forsterking av breibandinfrastruktur i distriktskommunane i fylket framleis er stor.
