- Det er mange i Sykkylven som leiker med tanken på å etablere virksomheit. No får vi endeleg eit godt og strukturert førstelinjetilbod, seier Espeland. 
Det er Sykkylven Næringsutvikling, Innovasjon Norge og Møre og Romsdal fylkeskommune som har gått saman om å opne hoppid.no-kontor i Sykkylven.

- I Sykkylven har vi ein strategi for å posisjonere oss som kommunen for skaparglede. Hoppid.no-kontoret er ei vidareføring av denne strategien, og vi har stor tru på satsinga, seier Espeland. Espeland vil vere daglig leiar og rådgivar. I tillegg vil Grethe Loland vere tilstades på kontoret, for å drive med tilrettelegging av ulike aktivitetar og kurs.

Det er, i følge Espeland, mange gode idear i omløp og fleire som har lyst å skape sin eigen arbeidsplass.
- Gjennom hoppid.no-kontoret vil vi kunne bidra til å skape nye, bærekraftige bedrifter i Sykkylven og vere formidlar av eit nyttig kontaktnett, seier han.

hoppid.no-kontoret ligg i Sykkylven Næringsutvikling AS sine lokaler.

Følg Sykkylven næringsutvikling AS på facebook