I rapporten ønskjer ein å synleggjere dei positive fruktene av dette samarbeidet. Vi vel ut eksempel som kan ha overføringsverdi og interesse for andre som satsar på liknande utviklingsarbeid. Prosjekta er ikkje rapportert i si heilheit, dette er presentasjon av smakebitar. Rapporten beskriv først bakgrunnen for denne pilotsatsinga på entreprenørskap i desse tre kommunane, men ser også på utviklingstrekk i regionen og kommunane både som bakgrunnsteppe og horisont for slike prosjekt. Vidare går ein nærare inn på 4 ulike eksempel på fellestiltak i samarbeidet mellom kommunar og fylke. Møreforsking har evaluert prosjektet etter mål om heilskap og breidde, at tiltaka skulle vere nyskapande og at det skulle leggjast til rette for samarbeid.