Frå 01.01. 2010 overtok fylkeskommunane eigarskapet til det som tidlegare heit øvrige riksvegar. Dette utgjer for Møre og Romsdal sin del over 3000 km fylkesveg. Dette skal styrast gjennom at Møre og Romsdal fylke fyller rolla som vegeigar og bestillar, mens vi nyttar Statens vegvesen som utførar av arbeidet knytt til drift, vedlikehald, utbetring og bygging av dette vegnettet. Dette blir styrt gjennom langsiktige avtalar. Pengane kjem over statsbudsjettet til Fylkeskommunen, som overførar oppgåver med tilhørande budsjettmidlar til Statens vegvesen årleg. Prioriteringane kjem fram gjennom systematisk og inkluderande planarbeid.