Delplanen skal gjere greie for sentrale utviklingstrekk, utfordringar og strategiske vegval for den offentlege tannhelsetenesta i fylket. Planarbeidet startar i januar 2012 og delplanen skal godkjennast av fylkestinget i juni 2013.

Utfordringsbildet for tannhelsetenesta er mangfaldig ved inngangen til planprosessen. Det tannmedisinske fagfeltet har gjennomgått ei rivande utvikling og tannhelsa blant folk er i betring. Samtidig har dagens organisering og klinikkstruktur stått uendra dei siste tiåra, og det har lenge vist seg vanskeleg å rekruttere og halde på tannhelsepersonell. Samfunnsutviklinga har gitt andre rammeføresetnader på samferdsels- og kommunikasjonsområdet. Stortingsmelding nr 35 (2006-2007) inneber nye oppgåver for fylkeskommunen som tenesteprodusent på tannhelseområdet og den nye tannhelsetenesteloven vil venteleg følgje opp med nye ansvarsområde tillagt fylkeskommunane.

Situasjonen tvinger fram ei inngåande analyse av tannhelsetenesta sine føresetnader, sterke og svake sider, samt moglegheiter. Regional delplan Tannhelse vil identifisere vegvala for framtidas offentlege tannhelsetenester i Møre og Romsdal.