Arbeidet i partnarskap med m.a partane i arbeidslivet, høgskolar, NAV og kommunar skal bidra til å samordne og tilby ei betre og meir heilskapleg karriererettleiing i eit livslangt perspektiv. Målet er å gjere det enklare å finne informasjon, får rettleiing og finne tilbod for alle innbyggjarane som treng karriererettleiing.

Partnarskapen skal: 

• bidra til å fremje løysingar som tek omsyn til behova til dei ulike brukargruppene  lokalt og regionalt
• tydeleggjere rollar og oppgåver mellom etatar og samarbeidspartar på karriererettleiingsfeltet
• styrke arbeidet med utdannings- og yrkesrettleiing i grunnskolen og  i vidaregåande opplæring
• styrke samarbeidet om karriererettleiing som verkemiddel inn mot arbeidslivet og arbeidsmarknadspolitikken

I fleire fylke er det etablert eigne karrieresentra til å løyse sentrale oppgåver først og fremst i høve til målgrupper utanfor skole og utdanningssystemet i eit livslangt læringsperspektiv. Slike sentra er og tenkt til å bidra i høve til ulike samarbeidstiltak og kompetanseheving i høve til rådgivingstenesta i skolane. I vårt fylke er det no fem lokale partnarskapsprosjekt med ståstad i dei vidaregåande skolane: Sunndal vgs, Kristiansund vgs, Romsdal vgs, Borgund vgs og Ørsta vgs. Kven som deltek i partnarskapa varierar i dei ulike prosjekta. NAV, kommunane, høgskolane, partane i arbeidslivet og opplæringskontora er viktige partnarar i dette arbeidet. Prosjektet i Ålesund er kome lengst i høve til etablering av eit eige karrieresenter her i fylket.