Framlegg til skole- og feriedagar (skolerute) for elevane skoleåra 2011/12, 2012/13, 2013/14

2011/12

2012/13

2013/2014

Framlegg til Skolerute for grunnopplæringa i Møre og Romsdal skoleåra 2011/12 - 2013/2014

Møre og Romsdal fylkeskommune har frå dette skoleåret tatt over oppgåva med å legge fram forslag til skolerute for grunnopplæringa her i fylket. Link til forslag til skole- og feriedagar (skolerute) for elevane i grunnopplæringa skoleåra 2011/12 - 2013/14 finn du på høgre side under Dokument. Forslaget er vedteke av Utdanningsutvalet i Møre og Romsdal fylkeskommune, og gjeld som forskrift for dei vidaregåande skolane.

Etter opplæringslova §§ 2-2 og 3-2 er det den enkelte skoleeigar som vedtek eigne forskrifter om skole- og feriedagar (skolerute) for elevane. Forskrifta må vere tilpassa avviklinga av eksamen og dei nasjonale prøvene.

Møre og Romsdal fylkeskommune viser til følgjande aktuelle paragrafar i lov og forskrifter som regulerer arbeidet: 

Grunnskolen
Opplæringslova:
§ 2-2 ”Omfanget av grunnskoleopplæringa i tid”

Forskrift til opplæringslova:
§ 1-4 ”Tid til opplæring og eksamen”
§ 1-6 ”Rammer for dagleg skoletid i grunnskolen”
§ 1-7 ”Bruk av skoletida til anna enn grunnskoleopplæring”

Vidaregåande opplæring
Opplæringslova:
§ 3-2 ”Omfanget av den vidaregåande opplæringa i tid”

Skoleskyssen
Opplæringslova:
Kap. 7 ”Skyss og innlosjering”
§ 13-4 ”Ansvaret for skoleskyss m.m.”

I dei fleste kommunane i fylket er det nødvendig med ei samordning av skoleruta for heile grunnopplæringa (grunnskolen og vidaregåande opplæring) om ein skal få til rasjonell skoleskyss.

Vi får ofte spørsmål om tidspunkt for haustferie og vinterferie for skoleår som ligg langt fram i tid. Derfor har vi utarbeidd forslag til skolerute for dei to komande skoleåra.Vi gjer merksam på at det ikkje er gjort endringar for skoleåra 2011/2012 i høve tidlegare framlegg til skolerute.