Bustadpolitiske planar må bygge på eit godt og oppdatert kunnskapsgrunnlag som gir innsikt gjennom data om demografi, hushaldningar, bustadmarknaden, planreservar, kva for type bustadar som finst og kva behovet framover vil vere for ulike type bustadar, m.m.
Panda analyse har utvikla ein modell for å lage prognosar for framtidig bustadbehov og etterspørsel basert på forventa demografisk utvikling. Møre og Romsdal vil nytte denne modulen, kople han til anna datagrunnlag og har som målsetting å levere eit samla kunnskapsgrunnlag som kommunane kan nytte i si politikkutforming.
På dette webinaret vil Jomar Sæterøy Maridal frå Panda analyse, Even Tranmæl og Paul Magne Eidhammer frå Møre og Romsdal fylkeskommune fortelje om dette arbeidet, vise kva kunnskap den nye Pandamodulen kan gi, og gi døme på kart og statistikk som vil bli lagt til rette for kommunane. Det blir høve til å gi innspel og stille spørsmål.
Innleiarar: Jomar Sæterøy Maridal frå Panda analyse, Even Tranmæl og Paul Magne Eidhammer frå Møre og Romsdal fylkeskommune
Påmeldingsfrist: 16. mai.