Hopp til innhold Hopp til hovedmeny

Møre og Romsdal fylkeskommune > Morotur > Turar > Akslevollvatnet / Liasetra

Om turen

Gradering

Kommune

Ørskog

Type tur

Fottur

Gradering

X Grønn

Gradering for rullestolbrukarar

Ikkje tilgjengeleg

Lengde tur/retur (km)

5,8 km

Skriv ut Kjørebeskrivelse
Kveldsstemning ved Akslevollvatnet.

Akslevollvatnet / Liasetra

Fotograf: Hilde Sørdal

Kvifor gå denne turen?

Fin tur langs grusveg, passar godt for barnevogn og familiar på tur. Akslevollvatnet ligg vakkert til rett ved vegen. Når du kjem opp på Liasetra, er det ope kulturlandskap med god utsikt mot Sykkylvsfjella.

Kvar i terrenget går turen?

Denne turen er skildra frå Brauta i Solnørdalen. Du startar først i ein slakk nedoverbakke, for så å halde fram i ein litt tung motbakke. Mot aust har du fjellpartiet som heiter Knippingen. Når du kjem til eit vegkryss, skal du halde fram til venstre ettersom den andre vegen går til Sjøholtsætra. Etter å ha tilbakelagt ca 1 km, er resten av turen om lag flat. Du går langs Akslevollvatnet og i området rundt er det mange hytter. Ein svak motbakke tilseier at du er komen til Liasetra. Like forbi siste hytta er det oppført ein flott gapahuk, Liahuken, med bord, benkar og bålplass. Rett etter bommen tek du av til venstre og følgjer ny skogsveg ned til vatnet. Her tek du også av til venstre og går på sti ca 100 meter. Postkassa finn du i eit lite skogholt.

Viss du held fram etter vegen, vil du etter 8,5 km kome til Fjellstova på Ørskogfjellet. Turen er like fin viss du startar ved Fjellstova og går ned til Brauta. Begge desse alternativa er populære både til fots, på sykkel og på ski.

Tilgjengeleg med rullestol

Nei

Kvar startar turen?

Frå Sjøholt sentrum følgjer du skilta veg til Solnørdalen ved Ørskog Samfunnshus. Du køyrer så knapt 3 km til du kjem til ein stor u-sving mot venstre. Då er du på Brauta. Stor parkeringsplass.

Kvar kan du parkere?

Brauta i Solnørdalen

Rute på kart

Underlag Lengde i km
Fast grus 5
Traktorveg 0,6
Dårlig sti 0,2
Lengde tur/retur (km) 5,8 km
Stigning meter grader
Bratteste helning opp 580 6
Total stigning 100 Høydemeter

Offentlig transport

Nei

Mobildekning

Ja

Kart

Ørskogfjellet