Hopp til innhold Hopp til hovedmeny

Møre og Romsdal fylkeskommune > Morotur > Turar > Blåtind frå Eiksund

Om turen

Gradering

Kommune

Ulstein

Type tur

Fottur

Gradering

XX Blå

Gradering for rullestolbrukarar

Ikkje tilgjengeleg

Lengde tur/retur (km)

6

Skriv ut Kjørebeskrivelse

Flere bilder

Utsikt mot Raudøya og Ørsta
Turen går store delar i ope landskap
Ut Vartdalfjorden
Her startar stien

Blåtind frå Eiksund

Fotograf: RuBa

Kvifor gå denne turen?

Blåtind er den høgste toppen på Hareidlandet (697 moh). Det er fleire ruter som fører til topps, mellom anna frå Haddal og Løsetvatnet. Ruta som er skildra her, startar i Eiksund. Ein går eit stykke gjennom skogen før ein kjem opp på snaufjellet og har flott utsikt til fleire fjordar (Volda, Ørsta, Rovde, Vartdal), utsyn mot Sunnmørsalpane og når ein kjem på toppen er det også flott utsyn mot øyane på Ytre Søre Sunnmøre. Sunnmøre viser fram alle sine flotte sider,- fjord, fjell, øylandskap og hav!

Kvar i terrenget går turen?

Start ved Eiksund vassverk (sjå bilete). Stien er god, men kan vere litt utydeleg i starten fordi det er ein del høgt gras. Du følger god sti heile vegen til topps. Det er jamn stigning heile vegen. Etter ein knapp time kjem du ut av skogen og resten av turen går på snaufjellet med godt utsyn utover sunnmørsnaturen. Litt før Grøthornet deler stien seg. Stien som er merka med pålar går mot Eiksundsætra. Stien til Blåtinden går opp til venstre og det er denne du skal følge. Mot slutten finn du vardemerking til topps.

Er de fleire på tur, kan de kanskje ta ei anna rute ned att og få ein rundtur? Turen som er skildra her har retur same veg som vi kom opp.

Turen er omtala i boka "Fotturar på Sunnmøre"

Tilgjengeleg med rullestol

Nei

Kvar startar turen?

Frå Volda/Ørsta: Køyr E39 til rundkøyringa i Furene, ta av mot Ulsteinvik og køyr gjennom Eiksundtunnellen (RV653). Like etter Eiksundbrua tek du av til høgre, køyrer mot den gamle fergekaia og svingar skarpt til venstre her. Du kjem til eit kryss der det m.a. er ein grusveg rett fram. Denne skal du følge eit kort stykke opp til Eiksund vassverk. Her er det plass til å parkere nokre bilar.
Frå Hareid/Ulsteinvik/Herøy-området: Køyr mot Volda/Ørsta (RV653) og ta av mot gamle Eiksund fergekai like før Eiksundbrua.

Kvar kan du parkere?

Parkering ved Eiksund vassverk

Rute på kart

Underlag Lengde i km
God sti 6
Lengde tur/retur (km) 6
Stigning meter grader
Total stigning 663 Høydemeter

Offentlig transport

Du kan ta buss til Eiksund: http://www.frammr.no/
Det er ikkje langt å gå til Eiksund vassverk frå busstoppen ved Eiksundbrua.

Kart

Ytre Søre Sunnmøre (kun få ex att som ein kan få hjå http://www.friluftsforeninga.no)