Fiskeri og havbruk

Møre og Romsdal fylkeskommune skal saman med dei marine næringane i fylket vere med å identifisere flaskehalsar for innovasjon, vekst, verdiskaping og lønnsemd. Gjennom å kople forsking, forvaltning og næring skal vi vere med å løyse utfordringar i næringa og initiere nye forskings- og innovasjonsprosjekt.

Kva kan vi tilby?

Informasjon og fagleg rådgiving
Rådgiving/sparring-partnar i tidleg fase i forskings- eller utviklingsprosjekt som vil komme dei marine næringane til gode
Prosjektleiing og prosjektdeltaking gjennom styringsgrupper, prosjektgrupper og styreverv
Fagmøte, seminar, kurs og konferansar
Politiske uttaler til høyringar frå departementet og fagdirektorat i saker som er viktige for marine næringar i Møre og Romsdal.

Fylkeskommunen er tildelingsmyndighet innan akvakultur jf. akvakulturloven og behandlar søknadar om lokalitet og konsesjon. Les meir om akvakulturforvaltning.
Fylkeskommunen har fleire oppgåver i forvaltninga av viltlevande marine artar som kystsel, tang og tare og kongekrabbe.
Fylkeskommunen behandlar også søknadar om skolekvoter til bruk i fiskeriundervisning

Pågåande prosjekt

Makroalgesatsing - eit utviklingsprosjekt for å avdekke potensialet for storskala dyrking av makroalger i Møre og Romsdal og stimulere til ny næringsutvikling.

Marin samhandlingsarena i Møre og Romsdal. Møteplassar på tvers av sektor og fagområde.

Profilering av sjømatfylket Møre og Romsdal under dei internasjonale messene AquaNor (august 2017) og Nor-Fishing (august 2018). Fellesstand for bedrifter og kommunar.

Ny prøveordning for norsk lakse- og aureoppdrett for fleksibelutnytting av løyve til oppdrett av laks, aure og regnbogeaure i sjøvatn. Prøveordninga varer fram til 31.12.2019, og oppdrettarar kan søke på ordninga innan 1. september 2017.

Kunngjering av kapasitetsauke for løyve til akvakultur med matfisk i sjø av laks, aure og regnbogeaure i 2018

Nærings- og fiskeridepartementet fastsette 22. desember 2017 ny forskrift for å tilby vekst for produksjonskapasitet av matfisk i norsk lakse – og aureoppdrett i 2018.

Endret 03.01.2018 Les meir