Idrett
- Hjelp til å søke om spelemidlar til idrettsanlegg og friluftsliv. Du kan søke via sida for tilskot, prisar og stipend (lenke blir opna i ny fane)
- Kurs og fordrag om fysisk aktivitet
- Rådgiving om uteområder for skular, barnehagar, idretts- og friluftslivsanlegg
- Rådgiving om oppstart og drift av "Aktiv på dagtid" og andre lågterskeltilbod
- Økonomisk støtte til tiltak innan fysisk aktivitet og friluftsliv
Møre og Romsdal fylkeskommune har som eit av sine mål å ha eit kultur- og fritidstilbod som er relevant og tilgjengeleg for alle, og frivillige lag og organisasjonar som skapar mangfald og engasjement.
Hausten 2018 blei det gjennomført ei undersøking om deltaking i fritidsaktivitet blant ungdommar i Møre og Romsdal. Undersøkinga var ein del av prosjektet «Jenteløftet i fotballen Møre og Romsdal 2018-2020». «Jenteløftet i fotballen» var eit prosjekt med mål om å få fleire jenter til å spele fotball lengre. Prosjektet var eit samarbeid mellom Møre og Romsdal fylkeskommune, Møre og Romsdal Idrettskrets, Sunnmøre- og Nordmøre og Romsdal fotballkrets. Prosjektet varte i utgangspunktet frå 2018-2020, men grunna korona blei prosjektet forlenga til 2022. Undersøkinga i 2018 blei gjennomført som ein del av utredningsfasa til prosjektet, og for å finne årsaker til kvifor ungdom deltar eller ikkje deltar i fritidsaktivitet. Undersøkinga blei gjentatt i 2022 for å få eit endå betre innblikk i kva ungdommane i fylket gjer på fritida, og for å best mogleg vite kva tiltak som må til for å behalde ungdom i fritidsaktivitetar lengst mogleg.
Målet for undersøkinga var å sjå på forskjellar i svara mellom 2018 og 2022, og identifisere endringar i årsakar til kvifor ungdommane driv med fritidsaktivitet eller vel å slutte.
Begge rapportane finn de nedst på sida.