20 klassar blir ikkje sett i gang
På grunn av låge søkartal blir 20 klassar ved 11 vidaregåande skolar i Møre og Romsdal ikkje sett i gang skoleåret 2022/2023.
Det vedtok utdanings- og kompetanseutvalet torsdag.
Klassane som ikkje blir sett i gang skoleåret 2022/2023, er desse:
| Gjermundnes vgs. | Vg2 industriteknologi |
| Hustadvika vgs. | Vg3 anleggsmaskinmekanikarfaget |
| Kristiansund vgs. | Vg2 datateknologi og elektronikk |
| Rauma vgs. | Vg2 automatisering |
| Rauma vgs. | Vg2 helsearbeidarfag |
| Rauma vgs. | Vg3 påbygg gen. Studiekompetanse |
| Rauma vgs. | Vg4 påbygg gen. studiekompetanse etter yrkeskompetanse |
| Romsdal vgs. | Vg1 elektro og datateknologi, studiekompetanse, 3-årig |
| Romsdal vgs. | Vg1 teknologi- og industrifag, studiekompetanse, 3-årig |
| Romsdal vgs. | Vg2 klima, energi og miljø |
| Stranda vgs. | Vg2 helsearbeidarfaget |
| Stranda vgs. | Vg2 matproduksjon |
| Sunndal vgs. | Vg1 bygg- og anleggsteknikk |
| Sykkylven vgs. | Vg1 elektro og datateknologi med automatisering (robotikk), studiekompetanse, 3-årig |
| Sykkylven vgs. | Vg2 elenergi og ekom |
| Sykkylven vgs. | Vg2 barne- og ungdomsarbeidarfag |
| Tingvoll vgs. | Vg1 studiespesialisering |
| Tingvoll vgs. | Vg2 helsearbeidarfag |
| Ulstein vgs. | Vg2 språk, samfunnsfag og økonomi med teknologi og innovasjon |
| Ålesund vgs | Vg2 kjemiprosess- og laboratoriefag |
Fylkeskommunedirektøren hadde til møtet foreslått at 34 klassar ved 13 skolar ikkje blir sett i gang. Årsakene blei grunngitt i for låge søkartal, og ut i frå kriteria som politikarane har vedtatt i 2014, som er:
- Krav om minimum 65 prosent oppfyllingsgrad av vedtatt kapasitet på studieførebuande utdanningsprogram
- For å kunne starte opp halvklassar innanfor yrkesfag som rekrutterer til lærefag, er kravet minimum seks primærsøkarar
- For yrkes- og studiekompetanse-tilboda (YSK) er minimum kapasitet satt til ti primærsøkarar, som også oppfyller karakterkrava i matematikk og naturfag
Då søknadsfristen gjekk ut 1. mars, hadde 3.553 ungdommar søkt om skoleplass på vg1. Det er 118 færre søkarar enn ved førre skoleår, som følge av at kullet med 10.-klassingar er mindre enn i fjor. Nedgangen i talet på søkarar er på 3,2 prosent samanlikna med året før.
Alle elevane som har tilbod som ikkje kjem i gang som eitt av alternativa i søknaden sin, vil få melding om at dei får legge til nytt ønske i Vigo.