Endring i tilbodet med bestillingstransport

Onsdag 1. mars kjem saka om bestillingstransport opp som ei orienteringssak til samferdselsutvalet.

Bestillingstransport er eit rutetilbod som berre køyrer når nokon har bestilt. Tilbodet er tilgjengeleg i visse område som ikkje har faste ruter med kollektivtransport.

Administrasjonen sitt forslag til fylkestinget var i utgangspunktet å kutte ut bestillingstranstransport i 2023. I vedtaket vart det likevel gjort tilgjengeleg nokre midlar, som gjer det mogleg å fortsetje med bestillingstransport i eit visst omfang..

Nye prisar og alderskategoriar frå 1. april 2023

Frå 1. april 2023 blir all bestillingstransport prisa likt i heile fylket og prisane gjeld alle typar transport som er inkludert i FRAM bestillingstransport. I tillegg til prisjusteringa blir alderskategoriane dei same som på vanleg buss.

Reduksjon i tilbodet frå 1. juni 2023

FRAM har lagt planar for vidare utvikling av tilbodet med bestillingstransport, men den økonomiske situasjonen i Møre og Romsdal fylkeskommune gjer at tiltaka settast på pause i 2023. Dei reknar med å starte opp igjen fleire område på seinare tidspunkt, om den økonomiske situasjonen endrar seg.

I desse områda blir bestillingstransporten sett på pause frå 1. juni 2023:

• Hustadvika
• Molde (Mordalsvågen)
• Rauma
• Skåla (Molde)
• Smøla
• Tingvoll
• Volda (unntatt flyplasstransport)

I desse områda vil det framleis vere bestillingstransport:

• Aure
• Kristiansund
• Haram
• Herøy
• Ørsta
• Volda flyplasstransport