Kortvarige endringar i ferjesambanda til Aukra og Midsund
I samband med utbetringar av ferjekaia på Hollingsholmen, blir det kortvarige endringar i rutetilbodet i sambanda Solholmen-Mordalsvågen og Aukra-Hollingsholmen, torsdag kveld 3. november og natt til fredag 4. november.
På Hollingsholmen ferjekai skal begge heisetårna skiftast ut. Dette må gjerast før utskifting av sjølve ferjekaibrua, som er planlagd våren 2023.
For at arbeidet med heisetårna skal gå så raskt som mogleg, vil to arbeidslag frå Mesta jobbe med begge tårna samtidig. Under dette arbeidet, må ferja MF Norangsfjord ligge i ferjeleiet og holde ferjekaibrua på plass. Siste ordinære avgang frå Hollingsholmen torsdag 3. november, blir kl. 19.15 og frå Aukra kl. 19.30. Etter dette blir ferjekaia på Hollingsholmen stengd for kvelden/natta. Første avgang frå Hollingsholmen blir kl. 05.30 fredag 4. november. Frå Aukra går første avgang kl. 05.00 denne dagen. I sambandet Solholmen-Mordalsvågen går ferja som normalt heile fredag.
Må gjere endringar i rutetilbodet
Det er ikkje reserveferje tilgjengeleg i sambandet når tårnskiftinga må utførast. Reserveferja som er godkjend for kaianlegga er inne for klassifisering.
- For å kunne oppretthalde eit tilbod til Aukra, må vi gjere endringar i rutene denne kvelden og natta. Ferja som går i sambandet Solholmen-Mordalsvågen, vil frå kl. 20.35 torsdag kveld gå til Aukra frå Mordalsvågen, i tillegg til Solholmen. Dette vil gi lengre ventetid for passasjerane og færre avgangar, men gjer det mogleg ha eit reisetilbod til Aukra i det tidsrommet tårnskiftinga på Hollingsholmen går føre seg. Det fortel byggeleiar for ferjekaiprosjektet i Møre og Romsdal fylkeskommune, Oskar Einarsson.
På ferjekaiene vil det bli gitt informasjon om avgangar til Aukra på infoskjermar.
Det er satt opp gjennomgåande buss frå Molde til Aukra på avgangen frå Mordalsvågen torsdag 3. november kl. 20.35.
- Politi, heimesjukepleie og næringsaktørar er varsla, og vi har vore i dialog med Aukra kommune om endringane, opplyser rådgivar for drift i FRAM, Olav Arne Vatne.
Rutetabell for torsdag 3. november
Frå Mordalsvågen til Solholmen | Frå Solholmen til Mordalsvågen | Frå Mordalsvågen til Aukra | Frå Aukra til Mordalsvågen |
| 19:35 | 19:50 | 20:35 | 21:05 |
| 21:35 | 21:50 | 22:05 | 22:35 |
| 23:05 | 23:20 |
Merknadar til rutetabellen:
Gjennomgåande buss frå Molde til Aukra på avgangen frå Mordalsvågen kl. 20.35.
Ferja må ligge stilt på Solholmen kl. 00.35.