BROR Mental Helse, etablert av Felix Baldauf og Even Karpuz (Kristiansund) fekk Integrerings- og mangfaldsprisen i 2023. Kven får prisen i år?
Sindre Krane Olsen
Kvart år deler fylkeskommunen ut inkluderings- og mangfaldsprisen for Møre og Romsdal. Målet er å heidre nokon som har gjort ein stor innsats for å auke inkluderinga og mangfaldet i samfunns- og arbeidsliv i fylket – og inspirere andre i dette arbeidet.
Kven kan du nominere?
Prisen kan gå til ein person, gruppe av personar, bedrifter, institusjonar eller organisasjonar som
- bur i fylket eller har sterk tilknyting til fylket.
- har tatt initiativ til eller gjennomført tiltak som fremmer like moglegheiter, meir inkludering og mangfald i samfunns- og arbeidsliv for enkeltpersonar eller grupper uavhengig av kjønn, funksjonsevne, seksuell orientering, alder, etnisitet, språk og religion.
Send inn forslag innan 1.februar
Nominer din kandidat innan 1.februar. På websida til fylkeskommunen kan du nominere og finne meir informasjon om tidlegare mottakarar.
Det er kultur- og folkehelseutvalet som deler ut prisen, eit kunstverk av ein kunstnar frå Møre og Romsdal og 15 000 kroner.
Tidlegare prisvinnarar er Bror Mental Helse (2023), Ekornes (2022) og Håvard Johnsen (2021). Likestillingsprisen vart første gong delt ut i 1992.
Utvalet vedtok i 2020 å endre prisen frå Likestillingsprisen til Inkludering- og mangfaldsprisen.