Lærer deg korleis du får hjelp til å gjennomføre den gode idéen

Møre og Romsdal fylkeskommune, Forskingsrådet og Innovasjon Norge inviterer bedrifter på Sunnmøre til to dialogmøte. Formålet med møta onsdag 10. mai i Sykkylven og Rauma, er å diskutere korleis ein får støtte til gode prosjektidear som kan bidra til å løyse utfordringar bedrifta står i.

Får innsikt i verkemiddel

Deltakarane vil få innsikt i ulike verkemiddel som kan brukast for utvikle og realisere prosjektideane, slik at det gir auka verdi for bedrifta. 

- Vi ønsker å bidra til auka innovasjonsevne i bedriftene og er oppteken av å støtte prosjekt som vil gi konkrete resultat, og som vil bidra til å løyse både bedriftene og samfunnet sine utfordringar, seier næringssjef Hilde Aspås i Møre og Romsdal fylkeskommune.

Gjennom praktiske prosjekteksempel vil deltakarane få betre forståing for kva som skal til for å utvikle gode prosjektidear som er mogleg å realisere.  Eksempla vil vise korleis ulike verkemiddel passar til ulike typar innovasjonsprosjekt.

Møteplass

Dialogmøta er også ein møteplass som kan opne dører for nye kjennskap  og potensielle samarbeidspartnarar.

- Vi oppfordrar bedrifter som er nysgjerrige på korleis verkemidlane fungerer og som har innovasjonsidéar, til å delta på dialogmøta, seier næringssjefen.

Møta går av stabelen i Sykkylven og Rauma den 10. mai. I Sykkylven startar det kl. 08:00 med frukost, og i Rauma startar det kl. 14:00.