Njord klar for 20 nye år

Måndag var det feiring av at oppgraderingsarbeidet er ferdig og at produksjonen er sett i gang igjen. Til stades på plattforma var blant andre olje- og energiminister Terje Aasland og fylkesordførar i Møre og Romsdal, Line Hatmosø Hoem. Dei la vekt på kva dette har å seie, både for Noreg som nasjon, men og for Møre og Romsdal som eksportfylke.

- Gjenopning av Njord med dei omliggande felt Hyme, Bauge og Fenja bidreg til at Noreg fortset som stabil leverandør av gass til Europa i mange år framover, seier olje- og energiminister Terje Aasland.

Investeringa er betalt etter to års drift. Njord A vil være i drift dei neste 20 åra. Ti nye brønnar vil bli bora for å hente opp verdiane. Den første lasta med olje gjekk med verdiar på 250 millionar kroner på opningsdagen.

Store ringverknadar

- Det er fantastisk å få komme ut offshore for å sjå den jobben som blir gjort og verdiane som blir skapt med Njord A i Norskehavet. Eksportfylket Møre og Romsdal er viktig for å nå dei ambisiøse måla Noreg har sett. Ringverknadane i fylket vårt er store, seier fylkesordførar Line Hatmosø Hoem.

Njord produserte olje og gass i perioden 1997 til 2016.  Plattforma og tankskipet gjekk frå feltet og ble slept til land for omfattande oppgraderingar.

- Det er første gang ein plattform og eit lagerskip koples frå feltet, blir oppgradert og slept tilbake. Levetida er dobla. Ambisjonen er også å doble produksjonen og produsere 250 millionar fat oljeekvivalentar, opplyser Equinor sin områdedirektør, Grete B. Haaland.