Digital innovasjon og klimatilpassing med Kristiansund i leiande posisjon

Kristiansund løfta fram som eit førebilete

Hovudmålet med verkstaden var å evaluere resultat frå ei spørjeundersøking der innbyggjarane i dei deltakande byane deltok i oktober. I Kristiansund fekk innbyggjarane høve til å dele sine synspunkt på klimaendringar som vil påverke dei sjølve og kommunen i framtida. Spørsmåla handla om korleis Kristiansund handterer dagens utfordringar og kva forventningar innbyggjarane har til kommunen i framtida. Kristiansund legg stor vekt på politisk medverknad, som hittil har involvert ei digital folkeundersøking kalla "Kor motstandsdyktig er din kommune mot klimaendringar?". Her kunne innbyggjarane dele meiningane sine om klimaendringar i dag, identifisere framtidige risikoar og kome med forslag til forbetringar og tiltak.

• Kristiansund kommunes innsats blei løfta fram som eit førebilete på verkstaden. Det har vore stort engasjement frå innbyggjarane, og klimatilpassing er eit tema som angår mange. CREST er eit døme på korleis innbyggjarane kan involverast for å påverke korleis det blir å bu i Kristiansund i framtida, seier Ingrid Gjelsvik frå Møre og Romsdal Fylkeskommune.

Neste steg vil vere i november, når fokusgrupper med ekspertar frå ulike fagområde vil diskutere oppfatta truslar og dei mest sårbare stadene og strukturane i byen.

Opplæring i bruk av digital tvilling

Svara frå spørjeundersøkinga og fokusgruppene vil bli nytta i arbeidet med å lage ein digital tvilling - ein 4D-modell av Kristiansund som vil vise effekten av klimaendringar i ulike scenario. Digitale tvillingar gjer det mogleg å skape heilskaplege visualiseringar av ulike data frå verkelegheita og blir stadig oftare nytta som eit verktøy for å sikre effektiv beslutningstaking og ressursbruk. Under verkstaden i Bordeaux fekk alle deltakarane høve til å lære seg å bruke dette verktøyet.

Teknologien er utvikla av AugmentCity i Ålesund, som har lisensiert det for bruk i samarbeidsbyane.