Regional berekraftsprofil og satsingsområde
Alle kommunane i fylket har gjort ei kartlegging av status på berekraft ved bruk av FN-metodikken United 4 Smart Sustainable Cities (U4SSC). Fylkeskommunen har samanfatta resultata frå kartleggingane i ein eigen rapport - berekraftsprofilen for Møre og Romsdal.
I rapporten er det peika ut 6 satsingsområde som er spesielt egna for felles, regionalt samarbeid. Dei seks områda er:
- Smart og berekraftig VA-sektor
- Fattigdom og sosial inkludering
- Sirkulær økonomi
- Digitalisering av offentleg sektor
- Offentlege bygg - byggsertifisering
- Lokalmat og mattryggleik
Dei seks satsingsområda blir fulgt opp av ulike initiativ, både gjennom Berekraftfylket direkte og andre initiativ.
Under kan du lese meir om korleis dei enkelte satsingsområda blir fulgt opp.
- Fattigdom og sosial inkludering blir jobba med gjennom utanforskapsatsinga til Møre og Romsdal 2025. Det blir jobba spesielt med ungt utanforskap i denne satsinga.
- Her finn du meir info om satsinga.
Arbeid med sirkulær økonomi er ei hovudprioritering i Berekraftfylket. I kommunenearbeidet er det primært to område vi jobbar med:
- Sirkulære anskaffingar
- Statsforvaltaren har oppfordra alle kommunar til å gjere ei sirkulær anskaffing.
- Gjennom Berekraftfylket legg vi til rette for kompetanseheving og erfaringsdeling om sirkulære anskaffingar.
- Nyttige ressursar:
- Sirkulær stadutvikling
- Vi samarbeider med by- og tettstadprogrammet til fylkeskommunen for å auke kompetansen om kva dette kan bety i praksis.
- I november 2022 arrangerte vi workshop om sirkulær stadutvikling i samarbeid med ei rekke aktørar.
Fylkeskommunen er også med i EU-initiaitivet Circular Cities and Regions Initiative (CCRI). CCRI består av eit nettverk av byar, regionar og klynge som jobbar med sirkulære utvikling lokalt og regionalt. Her kan du lese meir om prosjektet.
- Digitalisering av offentleg sektor blir jobba med gjennom prosjektet Digi Møre og Romsdal. Kristiansund kommune er vertskap for prosjektet, men det er organisert under programmet Møre og Romsdal 2025 leia av fylkeskommunen.
- Offentlege bygg – byggsertifisering blir eit oppfølgingsområde i arbeidet til Molde berekraftshub som er under etablering. Molde berekraftshub er eit samarbeid mellom Molde kommune og Møre og Romsdal fylkeskommune.
- Meir info finn du på denne nettsida: https://www.berekrafthub.no/