Tilskot til etablering og utvikling av kommunale frisklivs-, lærings- og mestringstilbod
Tilskotet skal stimulere til utvikling av kommunale helse- og omsorgstenester som støttar opp under og realisera måla i samhandlingsreforma og NCD-strategien om å fremme fysisk og psykisk helse, førebygge sjukdom, bidra til meistring av sjukdom og til betra bruk av ressursar i den samla innsatsen i helse- og omsorgstenestene.
Fylkeskommunen skal sørge for økonomiske, organisatoriske, informerande og andre relevante verkemiddel og tiltak som fremmer og legg til rette for eit breitt spekter av kulturverksemd regionalt og lokalt (Kulturlova § 4).
Med atterhald om endringar i statsbudsjettet er ramma 2 190 000 kroner for Møre og Romsdal.
Søknadsfrist
15. februar 2023
Formålet med ordninga er å stimulere kommunane til etablering og vidare utvikling av frisklivs-, lærings- og meistringstilbod som bidreg til å fremje helse og livskvalitet, førebygge sjukdom, tidleg intervensjon, og til at brukarane lærer å meistre livet med sjukdom.
Målgruppa er personar som har økt risiko for eller har utvikla samansette helseplagar og kronisk sjukdom, og som trenger hjelp til å endre levevaner og til å meistre livet med sjukdom og plager.
Kommunane i Møre og Romsdal
Du kan søke om tilskot til etablering og vidareutvikling av kommunale frisklivs-, meistring og læringstiltak.
Når støtteordninga er open kan du søke støtte elektronisk i søknadsboksen under.
Søknaden skal sendes elektronisk og innehalde underskrift av rådmann eller den som har mynde.
Sjå nedst på sida for mal for prosjektsøknad.
Søknaden skal leggast ved som vedlegg i søknadsboksen under.
Kultur-, næring- og folkehelseutvalet skal behandle saka i møtet sitt i mars 2023.
Det er dei gjeldande retningslinjene og styrande dokument som ligg til grunn for vurderingar av søknader og prioritering av tiltak som skal få støtte frå Møre og Romsdal fylkeskommune. Vi anbefaler at du set deg godt inn i retningslinjene før du sender inn søknad.
I søknaden må det komme tydeleg fram korleis tildelingskriteria i regelverket, pkt. 7 (lenke opnast i ny fane) blir oppfylt.
Kommunar som fekk tildelt midlar i 2022 skal rapportere til Møre og Romsdal fylkeskommune innan 31. mars 2023. Mal for rapportering skal då brukast.
Vedtak om tilskot frå Møre og Romsdal fylkeskommune er ikkje enkeltvedtak etter forvaltningslova. Det betyr at det ikkje er klagerett på dette vedtaket etter reglane i lova.
Det er eit krav at mottatt støtte frå Møre og Romsdal fylkeskommune skal synleggjerast i program, informasjonsdokument, rapportar og liknande.
Det skal òg komme fram i årsmelding og eigen post i rekneskapen at det er mottatt tilskot frå Møre og Romsdal fylkeskommune.