Offentleg - privat samarbeid
Formål
Ordninga skal bidra til å betre samhandlinga mellom bedrift, kommune og verkemiddelapparatet og gi gründerar/oppstartselskap som rettar seg mot offentleg sektor betre moglegheiter for å lukkast med prosjektidéane og gi offentleg sektor betre løysingar enn det som er tilgjengeleg i dagens marknad. Ordninga skal særleg mobilisere til samarbeid med oppstartselskap, men dette er ikkje eit krav.
Ordninga støttar særleg opp om mål for verdiskapingsfylket; Møre og Romsdal skal ha eit internasjonalt leiande næringsliv og innovativ offentleg sektor.
Kven kan søke
Kommunar i Møre og Romsdal.
Vilkår - Kva kan det søkast støtte til?
Prosjekta som får støtte skal bidra til offentleg-privat samarbeid for å løyse utfordringar i kommunal sektor. Prosjekt som bidrar til berekraftige løysingar blir prioritert, og då særleg utfordringar som har utgangspunkt i berekraftkartlegginga som er gjennomført i regionen.
Tilskotet skal dekke kostnadar leverandøren har knytt til utvikling av løysinga i kommunen, inkludert eventuelle kostnader knytt til rådgiving frå inkubatormiljø.
Kommunane må stille med eigeninnsats og må sette av tid og ressursar til utviklingsløpet. Kommunen vil i prosjektet vere utviklingspartner saman med valt leverandør.
Støttebeløp
Maksimalt 450 000 kroner per prosjekt
Evalueringskriterium
- Prosjektet må ha ein tydeleg eigar og vere godt forankra internt i kommunen
- Prosjektet må la seg gjennomføre innan rammene for ordninga
- Søkar må synleggjere korleis prosjektet tek omsyn til FN sine berekraftmål
- Regional relevans, dvs. kor godt prosjektet treff behova i kommunar i Møre og Romsdal
- Fylkeskommunen vil prioritere søknadar der fleire kommunar samarbeider
- Prosjektorganisering og gjennomføringsevne
Dersom det er behov for å unnta samarbeidet for kunngjeringsplikta, må dette skje i tråd med med forskrift om offentlige anskaffingar gjennom FoU-unntaket (§ 2-5).
Søkeportal
Søk på ordninga "Offentleg/privat samarbeid" i søkeportalen regionalforvaltning.no