Skaparkraft - Forprosjekt nye utdanningstilbod

Formål

Ordninga skal støtte opp om utvikling av nye utdanningstilbod og kompetanseprogram og som er særleg relevante for å møte kompetansebehovet i arbeidslivet i Møre og Romsdal. Ordninga skal anten kvalifisere prosjekt frå Møre og Romsdal til å nå opp i nasjonale utlysingar om nye utdanningstilbod, eller danne grunnlag for oppretting av nytt tilbod. 

Målgruppe: Kven kan søkje? 

Både representantar frå utdanningstilbydarar (universitet/høgskolar, fagskolar, vidaregåande skular, ressurssenter) og organisasjonar som representerer arbeidslivet, kan søke. Det er ein føresetnad at både utdanningstilbydarar og arbeidslivet er med i prosjektet. 

Vilkår: Kva kan det søkjast om støtte til? 

Støtte til å utvikle nye utdanningstilbod og kompetanseprogram og som er relevante for arbeidslivet i Møre og Romsdal. Det er føresetnad om at prosjekt som skal få støtte frå ordninga har eit samarbeid mellom utdanningstilbydarar og arbeidslivet. 

Nye utdanningstilbod kan vere innanfor: 

• Universitet og høgskole
• Høgare yrkesfagleg utdanning (fagskole)
• Vidaregåande opplæring 

Med nye utdanningstilbod meiner fylkeskommunen både utvikling av nye emne og fag, men også nye måtar å tilby eksisterande utdanningstilbod på som er tilpassa behova i arbeidslivet. 

Kompetanseprogram: Fylkeskommunen kan støtte utvikling av nye kompetansetilbod innanfor Skaparkraft-programmet sine satsingar; grøne industrielle løft, smart teknologi og fornybar energi.

Nye kompetansetilbod skal medverke til kunnskap og innsikt i korleis næringslivet kan utvikle berekraftige løysingar og produkt.

Døme på kostnader som ein kan få støtte til: 

• Kartlegging av kompetansebehov i arbeidslivet, for eksempel behovet i ein bransje/næring/sektor
• Utgreiing av innhaldet i eit nytt utdanningstilbod 
• Samarbeid mellom utdanningstilbydar og arbeidsliv om utvikling av nye tilbod, til dømes prosjektleiing, møtekostnadar 

Avgrensing: Kva kan det ikkje søkast om støtte til? 

Forprosjektmidlar kan ikkje brukast til:

• Drift av nye tilbod
• Marknadsføring eller drift av eksisterande utdanningstilbod 

Generelle vilkår

• Du kan søke om støtte til ekstraordinære utviklingskostnader, ikkje til ordinær drift.
• Tilskotet skal ha utløysande effekt. Det vil seie at tilskotet skal bidra til å realisere prosjekt som elles ikkje vil bli gjennomført.
• Vi støttar ikkje aktivitetar som alt er starta eller gjennomført.
• Søknaden skal innehalde bakgrunn for prosjektet, mål, målgruppe, forventa resultat og effekt, organisering, aktivitetar, kostnadsoverslag og finansieringsplan.
• Vi kan finansiere inntil 50 prosent av dei totale kostnadane i prosjektet. Eigeninnsats kan vere ein del av finansieringa. Eigeninnsats skal prisast til 1,2 promille av årsløn, men maksimalt 700 kroner per time.
• Søkar må opplyse om ein har mottatt anna offentleg støtte dei  siste tre åra. Søknaden vert vurdert etter statstøtteregelverket.
• Søknad og saksbehandling er offentleg og blir arkivert.

Evalueringskriterium: Kva vert lagt vekt på ved vurdering av søknaden? 

• Relevans
• Gjennomføringsevne
• Metodikk