Ordninga rettar seg mot prosjekt som legg til rette for større satsingar der bedriftene utviklar og tar i bruk grøne, berekraftige løysningar som kan kommersialiserast globalt.
Formålet er å skape løysningar som kan vidareutvikle eksisterande verdikjeder, utvikle nye verdikjeder og skape sirkulære industrielle samspel. Prosjekta skal akselerere omstillinga mot grøne, sirkulære produkt og tenester som bidreg til å nå bærekraftmåla.
Ordninga er retta mot aktørar som i fellesskap kan utvikle prosjekt der forskingsmiljø, klynger, bedrifter, investorar og andre aktuelle aktørar utforskar og identifiserer moglegheiter for nye industrielle løft med eksportpotensial i Møre og Romsdal.
Du kan søke på forprosjekt eller forstudie som legg til rette for framtidige større prosjekt som utløyser nasjonale/internasjonale midlar.
Regionale utviklingsaktørar og forskingsmiljø, som til dømes klynger, bedriftsnettverk, kunnskapsparkar, inkubatorar, næringshagar, næringsforeiningar og andre utviklingsaktørar. Konsortier av bedrifter (minimum 3 bedrifter i fellesskap) kan også søke.
Søk via søkeportalen Regionalforvaltning.no.
Støtteordninga heiter "Skaparkraft – Grøne industrielle løft”
Løpande behandling
1 mill. kroner