Tilskot til lærebedrifter for kandidatar med ekstra behov
Tilskotsordninga er retta mot lærebedrifter som har behov for ekstra tilskot for å førebu bedrifta og legge til rette for ein god oppstart for lærlingar/lærekandidatar med ekstra behov.
Tiltaka skal også bidra til å auke inntaket av lærlingar.
Formål
Formålet med ordninga er at kandidatar får læreplass, får ein god oppstart i lærebedrifta og at lærlingar får behalde læreplassen.
Kva kan du søke tilskot til?
Lærebedrifta kan bruke tilskotet til å utvikle ein god plan for oppstart, tid til å førebu bedrifta og utvikle intern opplæringsplan eller anna tilrettelegging.
Søknaden må innehalde ei beskriving av bedrifta sitt behov.
Kven kan søke?
Frittståande lærebedrifter og medlemsbedrifter i opplæringskontor kan søke om tilskot.
Søknadsfrist:
Midlane blir tildelt løpande og så langt ramma rekk. Møre og Romsdal fylkeskommune vil gjere skjønnsmessige vurderingar av søknadane.