Tilskot til nye løysingar for redusert energibruk
Formål
Det er underskot på elektrisk kraft i Møre og Romsdal. Reduksjon i energibruken vil bidra til å rette opp kraftbalansen, som er viktig for å realisere ny næringsaktivitet.
Målgruppe - Kven kan søke?
Kommunar, innovasjonsmiljø, utdanningsinstitusjonar, forskingsmiljø eller bedriftskonsortium i Møre og Romsdal.
Vilkår: Kva kan det søkjast om støtte til?
Utgreiingar, forstudie eller forprosjekt som kan bidra til nye løysingar for redusert energibruk, i offentleg sektor eller i næringsverksemd.
Avgrensing: Kva kan det ikkje søkast om støtte til?
- Prosjekt i regi av enkeltbedrifter eller privatpersonar
- Ordinær drift, vedlikehold og investering
- Ordninga skal ikkje konkurrere med andre offentlege støtteordningar
Generelle vilkår
- Du kan søke om støtte til ekstraordinære utviklingskostnader, ikkje til ordinær drift.
- Tilskotet skal ha utløysande effekt. Det vil seie at tilskotet skal bidra til å realisere prosjekt som elles ikkje vil bli gjennomført.
- Vi støttar ikkje aktivitetar som alt er starta eller gjennomført.
- Søknaden skal innehalde bakgrunn for prosjektet, mål, målgruppe, forventa resultat og effekt, organisering, aktivitetar, kostnadsoverslag og finansieringsplan.
- Vi kan finansiere inntil 50 prosent av dei totale kostnadane i prosjektet. Eigeninnsats kan vere ein del av finansieringa. Eigeninnsats skal prisast til 1,2 promille av årsløn, men maksimalt 700 kroner per time.
- Søkar må opplyse om ein har mottatt anna offentleg støtte dei siste tre åra. Søknaden vert vurdert etter statstøtteregelverket.
- Søknad og saksbehandling er offentleg og blir arkivert.
Evalueringskriterium: Kva vert lagt vekt på ved vurdering av søknaden?
- Prosjektet må ha ein tydeleg eigar
- Prosjektet må la seg gjennomføre innan rammene for ordninga
- Søknadar der fleire organisasjonar samarbeider – synergieffektar
- Prosjektorganisering og gjennomføringsevne