Verdiskapande og berekraftig landbruk

Formål

Ordninga skal bidra til å nå målet i fylkesstrategi for landbruk: Eit verdiskapande og mangfaldig landbruk i heile Møre og Romsdal, basert på berekraftig bruk av lokale ressursar 

Målgruppe

Kommunar, organisasjonar, nettverk av bedrifter, forskingsinstitusjonar 

Vilkår - kva kan det søkast støtte til?

Tilretteleggande tiltak som bidrar til å nå eitt eller fleire av mål i Fylkesstrategi for landbruk:  

1. Auke verdiskapinga frå landbruket i Møre og Romsdal
2. Behalde landbruket sine produksjonsareal gjennom berekraftig bruk og forvaltning
3. Auke verdiskapinga frå foredling av landbruksråvarer frå Møre og Romsdal
4. Auke kompetansenivået og innovasjonstakta i landbruksnæring og forvaltning
5. Landbruket skal redusere sine miljø- og klimautslepp og ta vare på miljøverdiar i landskap og jordsmonn
6. Fleire og betre forretningsidear med gardsbruket som utgangspunkt og nye marknader som mål

Avgrensning - kva kan det ikkje søkast støtte til?

Investeringar i bygningar og teknisk utstyr

Generelle vilkår

• Du kan søke om støtte til ekstraordinære utviklingskostnader, ikkje til ordinær drift.
• Tilskotet skal ha utløysande effekt. Det vil seie at tilskotet skal bidra til å realisere prosjekt som elles ikkje vil bli gjennomført.
• Vi støttar ikkje aktivitetar som alt er starta eller gjennomført.
• Søknaden skal innehalde bakgrunn for prosjektet, mål, målgruppe, forventa resultat og effekt, organisering, aktivitetar, kostnadsoverslag og finansieringsplan.
• Vi kan finansiere inntil 50 prosent av dei totale kostnadane i prosjektet. Eigeninnsats kan vere ein del av finansieringa. Eigeninnsats skal prisast til 1,2 promille av årsløn, men maksimalt 700 kroner per time.
• Søkar må opplyse om ein har mottatt anna offentleg støtte dei  siste tre åra. Søknaden vert vurdert etter statstøtteregelverket.
• Søknad og saksbehandling er offentleg og blir arkivert.

Evalueringskriterium

• Relevans i forhold til Fylkesstrategi for landbruk
• Gjennomføringsevne
• Metodikk