Arrangørtilskot til innleige av profesjonelle frilansmusikarar – Møremusikarordninga

Formålet er å sikre gode profesjonelle musikktenester til kulturlivet og å legge til rette for kulturarrangement med høg kvalitet i Møre og Romsdal. Ved å støtte opp om dei profesjonelle musikarane sin kunstnarlege aktivitet legger ordninga til rette for at fleire kan bu og leve av kunsten sin i fylket.

• Konsertarrangørar
• Kulturinstitusjonar
• Det frivillige musikklivet
• Det lokale næringslivet
• Andre organisasjonar

Bruk av profesjonelle musikarar som medverkar i/med:

• alle typar konsertar
• instruksjonsoppdrag
• akkompagnement
• arrangering og komponering i samband med konsertar
• assistansespel i amatørensemble
• profesjonelle ensemble
• kulturelle innslag ved til dømes kurs, konferansar og møter, solistoppdrag, kursverksemd

Kommunar inkludert kulturskolar, fylkeskommunen, undervisningsinstitusjonar og private arrangement kan ikkje få tilskot.

Støtteordninga er open for nye søknadar heile året. Du søker støtte via Regionalforvaltning (lenke opnast i ny fane). Her kan du òg følge med på saksbehandlinga.

• Arrangement med profesjonelle musikarar busett i fylket
• Arrangement der frivillig musikkliv framfører saman med profesjonelle musikarar på scena
• Arrangement som medverkar til måloppnåing i relevante dokument nedst på sida.

For å sikre eit best mogleg mangfald av kulturarrangement, blir det gjennom året gjort ei heilskapleg vurdering av type arrangement, type søkar, geografi, gjentakande søkarar på denne og andre
fylkeskommunale tilskotsordningar.

Søknaden skal sendes elektronisk via Regionalforvaltning og innehalde:

• namn på arrangør, kontaktperson, arrangement og organisasjonsnummer
• stad og dato for arrangementet (inkludert lokale og kommune)
• kort beskriving av arrangementet, innhald, plan for gjennomføring, målgruppe, forventa
  deltakarar, samarbeidspartar, program
• arrangementstype for eksempel ulike konsertar, assistansespel, instruksjon, seminar
• namn på profesjonelle musikarar ein ønsker eller har avtalt å leige inn samt
  eventuelle frivillige som skal stå på scena saman med profesjonelle musikarar
• budsjett som viser utgifter og inntekter (kostnads- og finansieringsplan). Musikarhonorar og
  forventa kostnader til reise må også komme fram
• framdriftsplan (tidsplan for tiltaket)

Kulturavdelinga i Møre og Romsdal fylkeskommune har normalt fire veker saksbehandlingstid for
søknadar om tilskot, frå første yrkedag etter søknadsfrist.

• Innleigde profesjonelle musikarar skal behandlast likt og lønnast etter bransjestandard.
  Arrangørane må sjå til Creo sine satsar, eller nasjonale satsar for Den kulturelle skolesekken
  (DKS).
• Godtgjering for reise, diett og naudsynt overnatting skal skje etter Statens regulativ (lenke
  opnast i ny fane).
• Det skal gå klart fram av kunngjering (annonse/plakatar/program og liknande) at arrangementet blir støtta av Møremusikarordninga i Møre og Romsdal fylkeskommune. Du kan laste ned logo ved å følge denne lenka.
• Det blir ikkje gitt støtte til arrangement som har blitt gjennomført før søknadsfristen.
• Arrangement får ikkje støtte når framføringsdato er under 4 veker etter søknadsfrist.

Fylkeskommunen kan kontrollere at vilkåra er oppfylt

Møre og Romsdal fylkeskommune kan gjennomføre kontroll om at vilkåra for tilskotet etter ordninga er oppfylt. Søkar plikter på førespurnad å legge fram alle opplysningar som er nødvendig for at fylkeskommunen kan gjennomføre ein slik kontroll. Dette er heimla i bevilgningsreglementet § 10.

Fylkeskommunen kan krevje tilskot tilbakebetalt

• Tildelinga gjeld det som står i søknaden og vilkåra i tildelingsbrevet. Dersom tiltak i søknaden blir endra utan godkjenning, kan vi trekke tildelinga tilbake.
• Dersom søkar gir ufullstendig eller feilaktige opplysingar i søknaden, og dette fører til at tilskotet blir utbetalt på feil grunnlag eller for mykje, kan tilskotet heilt eller delvis bli kravd tilbake.
• Dersom fylkeskommunen utbetaler feil beløp, skal det som er utbetalt for mykje betalast tilbake.
• Dersom de ikkje oppfyller vilkår og rapporteringskrav blir tilskotet automatisk trekt tilbake etter 3 år, utan varsel.

Rapport og rekneskap

• Det skal sendast inn rapport og rekneskap i Regionalforvaltning for bruk av tilskotet seinast tre månader etter at tiltaket er gjennomført.
• Det er krav om føring og revisjon av rekneskap for tiltaket. For tildelingar under 200 000 kroner skal sluttrekneskapen vere kontrollert og signert av nokon som ikkje har vore delaktig i føringa av rekneskapen.
• For tildelingar på 200 000 kroner eller meir er det krav om autorisert revisor. Unntatt frå dette kravet er verksemder som bruker kommunerevisjon eller anna offentleg revisjonsorgan.
• Rapporten skal innehalde namn på musikar(ar) som blei brukt, kort beskriving av arrangementet og tal på deltakarar/publikum.
• I rekneskapsrapporten skal musikarhonorara vere synleggjort.

Vedtak om tilskot frå Møre og Romsdal fylkeskommune er ikkje enkeltvedtak etter forvaltningslova. Det betyr at det ikkje er klagerett på dette vedtaket etter reglane i lova.

Det er eit krav at mottatt støtte frå Møre og Romsdal fylkeskommune skal synleggjerast i program,
informasjonsdokument, rapportar og liknande.

Det skal komme fram i eigen post i rekneskapen at det er mottatt tilskot frå Møre og Romsdal
fylkeskommune.