Karriere Møre og Romsdal
Ønsker du å skifte karriere, eller treng du bare ei kursendring? Er du ferdig med vidaregåande utdanning og er usikker på kva du skal gjere vidare? Vurderer du å bytte jobb, men er usikker på kva moglegheiter du har?
Ta kontakt med Karriere Møre og Romsdal. Vi tilbyr gratis karriererettleiing til alle vaksne i fylket.
Rettleiarane våre held til i Kristiansund, Surnadal, Sunndal, Molde, Åndalsnes, Stranda, Sykkylven, Ørskog, Ålesund og Volda.
I dag har alle unge i utdanning lovfesta rett til yrkes- og utdanningsrettleiing. Gjennom Karriere Møre og Romsdal får også dei som ikkje er elevar i vidaregåande skole tilbod om karriererettleiing.
Karriere Møre og Romsdal kan tilby:
- rettleiing om utdanning og arbeid
- interessekartlegging
- råd til korleis du skriv CV eller jobbsøknad
- råd til jobbintervjuet
- kurspakkar for privat og offentlig sektor
Gjennom rettleiing kan vi bidra til å auke bevisstheita på kven du er, kva du kan, kva du vil og kva du interesserer deg for.
Rettleiingssamtalane er fortrulege og konfidensielle.
Tilbodet skal bidra til
- fleire kompetente og motiverte arbeidstakarar til næringslivet i Møre og Romsdal gjennom individuelle rettleiingssamtalar, eller grupperettleiing
- kompetanseheving gjennom kurs til privat og offentlig sektor
- auka gjennomføring av vidaregåande opplæring gjennom kompetanseheving av rådgivarar i skolen