Statlege arbeidsplassar

Fylkestinget vedtok i desember 2017 førebels ambisjonar, rammer og tiltak for arbeidet (sjå dokumenta: Saksframlegg, vedtak, strategi 1.0 og statistikk 1.0)

• På sikte er det rimeleg at Møre og Romsdal har like stor del statlege arbeidsplassar som snittet i landet – dvs. 12 % av arbeidsplassane i statlege verksemder mot dagens 8  %.
• Møre og Romsdal må arbeide for at fleire arbeidsplassar som skal ut frå Oslo, kjem til vårt fylke, at regional statsforvaltning i større grad blir representert i Møre og Romsdal når vårt fylke blir ein av dei elleve nye regionane frå 2020, og at intern omorganisering i noverandre statlege verksemder sler positivt ut for vårt fylke. Og til slutt – Møre og Romsdal treng fleire forskingsarbeidsplassar
• Møre og Romsdal er delt i 4 pendlingsregionar eller regionale arbeidsmarknader – Kristiansundsregionen, Molderegionen, Ålesundsregionen og Eiksundsregionen. Av desse regionale arbeidsmarknaden er behovet særleg stor for fleire statlege arbeidsplassar i Kristiansundsregionen og Eiksundsregionen.

Arbeidet med fleire statlege arbeidsplassar til Møre og Romsdal er heilt i tråd med regjeringa sin politikk for lokalisering av statlege arbeidsplassar. 

I gjeldande statlege retningsliner for lokalisering av statlege arbeidsplassar (sjå dokumentet Retningsliner for lokalisering av statlege arbeidsplassar) er nettopp eit av hovudmåla «Ei fordeling av statlege arbeidsplassar som bidreg til å utvikle robuste arbeidsmarknader i alle delar av landet».  Ved oppretting av nye eller ved omlokalisering av statlege verksemder, skal det leggjast vekt på «lokalisering i regionale sentra der verksemda har størst potensial for å bidra til det lokale tilbodet av arbeidsplassar, både med omsyn til omfang og breidde.»

Også Jeløya-plattformen til den nye regjeringa stadfestar at lokalisering av statlege arbeidsplassar fortsatt er ein viktig del av den statlege distriktspolitikken: Regjeringa vil: «Lokalisere nye offentlige kompetansearbeidsplasser over hele landet, også utenfor de største byene. Ny statlig virksomhet skal som hovedregel etableres utenfor Oslo.»

Fylkesutvalet har vedtatt ein handlingsplan for arbeidet med statlege arbeidsplassar som har fire innsatsområder:

• Fleire statlege arbeidsplassar ut av Oslo til Møre og Romsdal
• Fleire statlege arbeidsplassar til Møre og Romsdal gjennom regionreformen
• Fleire statlege arbeidsplassar til vårt fylkes i alle dei omorganiseringane som skjer i statlege etatar
• Fleire forskingsarbeidsplassar til fylket

​​​​​

For landet som heilskap vart det 405 fleire statlege arbeidsplassar i løpet av 2017. Totalt er det no 298.000 statlege arbeidsplassar i landet noko som utgjer 11,4 % av totalt tal sysselsette. Dei fylka som hadde størst vekst i fjor var Sør-Trøndelag (Trondheim), Hordaland (Bergen) og Troms (Tromsø).

Møre og Romsdal fikk 50 færre statlege arbeidsplassar gjennom 2017. Den kommunevise utviklinga av statlege arbeidsplassar i 2017 er vist i tabellen nedanfor: