Møre og Romsdal har eit rikt og variert dyreliv og er blant fylka med størst bestand av hjort. Det blir jakta på elg, hjort, rådyr og villrein, samt småvilt som hare, skogsfugl, andefuglar og gås, stor- og smårovvilt.
Målet med viltforvaltninga er å sikre ei berekraftig utnytting av viltressursane, slik at dei gir langsiktig verdiskaping, både økonomisk og som del av friluftslivet, samtidig som naturen si bereevne og artsmangfaldet blir tatt vare på.
Kva er fylkeskommunen si rolle?
Fylkeskommunen har ansvar for å sjå til at forvaltninga av jaktbare artar skjer i tråd med viltlova og naturmangfaldlova. Vi samarbeider med kommunar, grunneigarar og frivillige organisasjonar for å sikre ei heilskapleg og kunnskapsbasert forvaltning.
Dette kan fylkeskommunen bidra med:
- Rettleiing til kommunar og grunneigarar i forvaltning av jaktbare artar
- Sikre viltomsyn i arealplanlegging og anna samfunnsutvikling
- Tildeling av midlar frå viltfondet til lokale vilttiltak
→ Søknadsfrist: 15. januar
→ Søk via Miljødirektoratet sitt søknadssenter - Behandling av søknader om jakt på kystsel (steinkobbe og havert)
Vi samarbeider tett med kommunar, grunneigarar og frivillige organisasjonar for å fremje god viltforvaltning og sikre at leveområda til viltet blir ivaretatt i regionale og kommunale planar.
Kommunane sitt ansvar
Kommunane har hovudansvaret for lokal viltforvaltning. Dette omfattar:
- Behandling av søknader om fellingsløyve og skadefelling
- Fastsetting av lokale jakttider og minsteareal, innanfor nasjonale rammer
- Organisering av ettersøk ved skadd, sjukt eller daudt vilt
Statsforvaltaren si rolle
Statsforvaltaren har ansvar for:
- Villreinforvaltning
- Grågås og store rovdyr (gaupe, jerv, bjørn og ulv)
- Klagebehandling av vedtak fatta av kommunane etter viltlova
- Rettleiing innanfor sine ansvarsområde
→ Les meir om Statsforvaltaren si rolle
Særlege omsyn
- Villreinforvaltning skjer på tvers av kommune- og fylkesgrenser, og blir styrt av villreinutval. Fylkeskommunen er representert i desse utvala.
- Rovviltforvaltning følgjer nasjonale føringar og blir organisert gjennom eigne forvaltningsregionar.