Formålet med konferansen er å skape dialog mellom forvaltningsnivåa, og felles forståing for utfordringsbilete og retning i fylket vårt. Tematikkane til konferansen er dagsaktuelle tema som har relevans for utviklinga av fylket, og innbyggjarane i Møre og Romsdal.
Til Nyttårskonferansen inviterer vi ordførarar, kommunedirektørar, toppleiarar for regionale statlege verksemder med ansvar for Møre og Romsdal, fylkesutval, Mørebenken, Ungdomspanelet, toppleiing i Møre og Romsdal fylkeskommune og Statsforvaltaren i Møre og Romsdal.
Konferansen blir arrangert av fylkeskommunen. Medarrangørar er Statsforvaltaren i Møre og Romsdal, KS, NAV og Ungdomspanelet.
Tema under tidlegare Nyttårskonferansar
2025 – Nyttårskonferansen 2025
• Sirkulærøkonomi
• Beredskap
• Saman i møte om forventningsgapet
• Digitalisering i Møre og Romsdal
2024 – Nyttårskonferansen 2024
• Møre og Romsdal mot 2050
• Kunnskap gir oss nye moglegheiter
• Korleis kan vi i fellesskap møte samfunnsutfordringane?
• Nasjonalt samfunnsoppdrag for å inkludere fleire barn og unge
2023 - Nyttårskonferansen 2023
• Berekraft
• Digitalisering
• Betre tenester med færre folk
• Korleis løyse samfunnsoppdraget
2022 - Nyttårskonferansen 2022
• Status og planar for berekraftsarbeidet i Møre og Romsdal
• Samspel og samarbeid mellom frivillig og kommunal sektor
• Ungt utanforskap
• Digi Møre og Romsdal – vår felles digitale framtid
2021 – Nyttårskonferansen 2021 - Digital konferanse
• Korleis kan offentleg og privat sektor samarbeid for å styrke næringslivet i Møre og Romsdal?
• Berekraftfylket Møre og Romsdal – kva har skjedd etter lanseringa på Nyttårskonferansen 2020 – og kva er vegen vidare ?
• Kva tar vi med oss av lærdom frå å leie i offentleg sektor under pandemien?
2020 – «Berekraftfylket Møre og Romsdal»
• Berekraft og digitalisering
• Framtidas kommunar i Møre og Romsdal
• Moglegheiter for Møre og Romsdal
• Berekraftige løysingar
2019 – «Møre og Romsdal mot 2025»
• Møre og Romsdal – moglegheiter og utfordringar
• Nullvisjon for utanforskap
• Krav til – og krav frå morgondagens næringsliv
• Regionalt leiarskap
Årets regionbyggar
Nyttårskonferansen deler ut prisen Årets regionbyggar til ein person, organisasjon, bedrift eller offentleg aktør som har utmerka seg på ei enkeltsak eller over tid som ei samlande kraft i fylket, eller som har tatt spesielle initiativ som bygger Møre og Romsdal saman.
Deltakarane på Nyttårskonferansen nominerer kandidatar med grunngjeving i kriteria over. Programkomiteen (fylkeskommune, Statsforvaltar, NAV, ungdomspanelet og KS) er jury.
Har du forslag til kven som kunne vore ein slik regionbyggar?
Idrettskretsen fekk prisen for å vere ei samlande kraft som binder fylket saman. Møre og Romsdal idrettskrets har medlemmer i alle kommunar i Møre og Romsdal, og i alle aldersklasser, og er slik ei samlande kraft og binder Møre og Romsdal saman med sitt arbeid. Foto: Per Kristian Bratteng. På biletet: Styreleiar Berit Kalgraff og fylkesordførar Anders Riise.
Ungdomspanelet fekk prisen for å ha tatt ei tydeleg rolle for å fremme saker som er viktig for ungdom. Gjennom sitt arbeid og deltaking på møtearenaer, har dei inspirert andre ungdommar til å engasjere seg, som gjev ringverknadar for ungdomsmedverknad i lokalsamfunna i heile Møre og Romsdal. På biletet: Ungdomspanelet. Foto: Møre og Romsdal fylkeskommune.
Prisen fekk dei for sitt samarbeid om prosjektet «Bli med heim». I 2022 arrangerte dei messer i Oslo og Trondheim for å skape ein møteplass mellom næringslivet og fylket med studentar eller dei som jobba i dei to byane. Dette for å få fleire til å kome heim etter kvart. Foto: Møre og Romsdal fylkeskommune. På biletet: Fylkesordførar Line Hoem, Lene Trude Solheim i Næringsforeningen Ålesundsregionen, Ole J.Rugset, Kristiansund og Nordmøre Næringsforum, Britt Flo, Molde Næringsforum.
Ungt Entreprenørskap fekk prisen for å vere ein viktig bidragsytar i arbeidet med å forme framtida for regionen, gjennom ungdom og entreprenørskap.
StikkUt fekk prisen mellom anna for å ha bidratt til å gjere innbyggjarane i fylket kjende med, og stolte av sitt eige fylke. StikkUT er eit tilbod for alle i Møre og Romsdal, uavhengig av geografi, alder og sosiale forhold. Med nesten ein million registrerte turar er StikkUt eit viktig folkehelsetiltak. På biletet: Anne Berit Støyva Emblem, (Sunnmøre friluftsråd) Fylkesordførar Tove Lise Torve, og Ola Fremo (Nordmøre og Romsdal friluftsråd) Foto: Møre og Romsdal fylkeskommune.