Vegar til fagbrev

Det er fleire ulike vegar til fag-, sveine- og kompetansebrev. Her kan du sjekke kva veg som er rett for deg.

Heile oversikta

Her kan du lese meir om fem vanlege vegar til fag-, sveine- og kompetansebrev.

  • Lærling - to år på skole og to år i bedrift

    Dette er den vanlegaste vegen til fagbrev for elevar i vidaregåande opplæring. Dette løpet består typisk av to år på skole og to år i bedrift. Læretida blir avslutta med ein fag- eller sveineprøve.

    Les meir om å vere lærling

  • Lærling - full opplæring i bedrift

    Gjennom denne ordninga kan du gjennomføre heile opplæringa di i ei bedrift, normalt 4 år.

    Med full opplæring bedrift går du ikkje i skole, og det er bedrifta som har ansvar for heile opplæringa di. Du må ta ein fageksamen og ha bestått alle fellesfag i vidaregåande skole før du kan melde deg opp til fag- eller sveineprøva.

    Les meir om å vere lærling

  • Lærekandidat

    Ei ordning for deg som har eller vil få utfordringar med å oppnå full yrkeskompetanse. Du får ein tilpassa læreplan. Læretida blir avslutta med ei kompetanseprøve. 

  • Fagbrev på jobb

    Ei ordning som gir deg høve til å ta fag- eller sveinebrev medan du er i lønna arbeid. Du må ha minst eitt år med allsidig praksis innan faget for å kvalifisere.

    Les meir om Fagbrev på jobb

  • Praksiskandidat

    Ei ordning for deg som har minst fem års relevant praksis innan faget. Når du har dokumentert praksisen din og bestått ein skriftleg eksamen, kan du melde deg opp til fag- eller sveineprøve.

    Les meir om praksiskandidatordninga