Godtgjering for prøvenemnder

• Du får honorar for gjennomføring av prøver.
• Du får godtgjersle for møter som er avtalt med fylkeskommunen. 
• Du får også reisegodtgjerlse etter staten sine satsar for nødvendige reiser innanfor avtalt område.
• Tapt arbeidsforteneste kjem i tillegg til honorar.
• Ulegitimert tapt arbeidsfortjeneste blir dekt med 1700 kroner per dag, kr 850 kroner for halv dag.
• For utbetaling av honorar, reiserekningar og utlegg må du registrere kravet i Visma Expense. 

Honorar

• Leiar ved prøve: 2800 kr
• Medlem ved prøve: 2000 kr
• Fordeling pr prøve: 200 kr
• Generelt møte (etter avtale med fylkeskommunen): 400 kr 

Honorar dekkjer:

• dialog med bedrift og kandidat
• innkalling
• utarbeiding av oppgåver og vurderingskriterier for prøva
• samarbeid mellom prøveleiar og prøvemedlem før prøva
• Inspeksjon av prøvestad

Honorar dekkjer ikkje:

• fysisk befaring av prøvestad før prøva
• reiser i samband med prøvegjennomføring
• gjennomføring av prøva

Når prøvenemnda har prøver for fleire kandidatar samtidig, blir godtgjersla redusert til 1400 kr for leiar og 1000 kr for medlem frå og med den femte kandidaten.

 Administrere prøver

Når leiar sjølv ikkje deltar på prøva, men berre administerer oppmeldinga, blir det utbetalt 200 kr per prøve. Namn på kandidat/ar skal førast på reiserekninga.

Nytt medlem tiltrer nemnda

Dersom nytt medlem i nemnda deltar på opplæring i nemnda, blir tapt arbeidsfortjeneste og reiseutgifter dekt. Opplæringa må vere avtalt med fylkeskommunen på førehand.

Du må registrere reiserekning og honorar i Visma Expense så snart oppdraget er ferdig og protokollen er signert. Prøveprotokollen må vere signert digitalt før fylkeskommunen betalar honorar og refunderer andre utlegg. Prøvenemndsmedlemmene bør sende reiserekning seinast tre månader etter at prøva er gjennomført.

Slik registrerer du honorar og reiserekning i Visma Expense 

• Du registrerer honorar, reiserekningar og utlegg i Visma Expense.
• Ved pålogging første gong: 
  Legg inn e-post i feltet «E-postadresse». Klikk på «gløymt passord» og følg prosessen vidare.
• Last ned appen Visma Employee på mobiltelefonen din, bruk telefonen og ta bilete av kvitteringane.
• Eventuelt kan du skanne kvitteringane og legge dei ved reiserekninga i Visma. 

Du kan søke om godtgjering av tapt arbeidsfortjeneste i Visma Expense, eller så kan arbeidsgivar sende faktura til fylkeskommunen. 

Søk om godtgjering for tapt arbeidsforteneste (permisjon utan løn)

Når du skal søke om godtgjering av tapt arbeidsinntekt, skal det fyllast ut eit skjema som må attesteres av arbeidsgivar/reknskapsførar, før du lastar det opp i Visma Expense. Dokumentasjonen frå arbeidsgivar må ikkje vere eldre enn seks månader. Skjemaet skal ligge som vedlegg i reiserekninga. Bruk skjema Godtgjersle for tapt arbeidsinntekt lønsmottakar eller sjølvstendig næringsdrivande. (DOCX, 55 kB)

Send faktura for tapt arbeidsfortjeneste (permisjon med løn) 

Arbeidsgivar kan sende refusjonskrav for utbetalt løn. Send faktura til Møre og Romsdal fylkeskommune som elektronisk handelsformat (EHF). Organisasjonsnummer: 944183779. Merk med referansenummer 20002. Du kan få dekt opptil 7,5 timar per dag, og beløpet skal ikkje overstige 4267 kr per dag eksklusive sosiale kostnadar eller 5380 kr per dag inklusive sosiale kostnadar som feriepengar og arbeidsgivaravgift. Legg ved skjema Refusjonskrav frå arbeidgivar for utbetalt løn. (DOCX, 59 kB) 

Reiserekning for sjølvstendig næringsdrivande 

Sjølvstendig næringsdrivande som krev godtgjersle skal legge fram utskrift av likningsattest/næringsoppgåve for førre år for berekning av grunnlaget for tapt arbeidsforteneste. Tap per dag blir utrekna etter netto årsinntekt dividert på 260 dagar. Du kan få dekt opptil 7,5 timar per dag, og beløpet skal ikkje overstige 4267 kr per dag eksklusive sosiale kostnadar eller 5380 kr per dag inklusive sosiale kostnadar som feriepengar og arbeidsgivaravgift. Bruk skjema Godtgjersle for tapt arbeidsinntekt lønsmottakar eller sjøvstendig næringsdrivande. (DOCX, 55 kB) Dette skal ligge som vedlegg til reiserekninga. Fylkeskommunen dekkjer berre det som kan definerast som tap av løn for arbeidstakarar, ikkje tap av forteneste til bedrifta.

Fritidssats

Den som ikkje kan dokumentere tap av inntekt har i staden rett på ein fritidssats på 1700 kr per dag og 850 kr for halv dag (under 4 timar). Dette gjeld til dømes studentar, pensjonistar og turnusarbeidarar som utfører prøvenemndsarbeid i friperiodar. Dato og tidspunkt for prøvenemndsarbeid skal førast i reiserekninga.

Fylkeskommunen dekkjer reise og diett etter KS sine satsar. Betalte utlegg til ferge, parkering, buss, tog, taxi og fly må legitimerast. Når det gjeld bom, så må du berre leggje ved kvittering når beløpet er over 100 kr.

Kostgodtgjersle - reiser utan overnatting

For å få kostgodtgjersle må du ha vore borte i meir enn 6 timar. Reise under 30 km gir ikkje rett på kostgodgjersle. Du må spesifisere klokkeslett start/slutt og distanse for kvar dag dersom du krev kostgodtgjersle. 

Overnatting

Det må vere reisetid på minst 1,5 time kvar veg for at overnatting på hotell blir dekt av fylkeskommunen. Fylkeskommunen har hotellavtaler med fleire hotell som skal nyttast i dei tilfelle du treng overnatting. Overnatting på hotell må du avklare med fylkeskommunen på førehand.

Det er utbetaling den 12. kvar månad. For at du skal få utbetalt den 12. i påfølgande månad, må du sende reiserekninga innan 25. i månaden før. Lønnslipp blir sendt til Digipost.